بىزگە وپپوزيتسيا قاجەت.

ەلىمىزدە قوعامدىق- ساياسي، الەۋمەتتىك- ەكونوميكالىق جاعداي كۇردەلەنىپ كەلەدى. حالىقتىڭ جاعدايى قيىنداپ، الەۋمەتتىك دەڭگەيى تومەندەۋدە.
جاقىن ارادا، ازاماتتاردىڭ كۇن- كورىسى مۇلدەم تۇرالاپ قالۋى ىقتيمال.
پاندەميا ەلىمىزدە كادر ساياساتىنىڭ جۇمىس ىستەمەيتىندىگىن، ءوز حالقىمەن سويلەسۋگە قابىلەتتى، ءوزىنىڭ ويىن ازاماتتارعا جەتكىزە الاتىن كادرلاردىڭ تاپشى ەكەنىن كورسەتىپ بەردى. بۇل ەلىمىزدەگى ساياسي باسەكەلەستىكتىڭ جوقتىعىنىڭ سالدارى.

ادامدار ويىن ەركىن جەتكىزە الاتىن، سىندارلى سىن ايتۋعا قابىلەتتى، پىكىرلەر ءپليۋراليزمى قالىپتاسقان قوعامدا عانا جاڭا تۇرپاتتاعى ەلىمىزدىڭ تاعدىرىن قولىنا الۋعا قابىلەتتى كادرلار پايدا بولادى. ياعني، ساياسي باسەكەلەستىك، كۇندەلىكتى ديسكۋسسيا ەل دامۋىنىڭ وزەگى.

بۇگىندە، ساياسي پروتسەسستىڭ "وڭەشى" بىتەلىپ تۇر. بىزگە سول وڭەشتى اشۋ كەرەك.
شىندىق ايتىلمايتىن، ساياسي پىكىر تۇمشالاناتىن، باسەكەلەستىك جوق قوعامنىڭ جان-دۇنيەسى بورسي باستايدى. قوعامدا ءار- ءتۇرلى كاتاكليزمدەر پايدا بولادى. ءبىز، وكىنىشكە وراي، وسى جاعدايدا ءتۇرمىز.

نە ىستەۋ كەرەك؟

وپپوزيتسيا ەلىمىزدىڭ دامۋىنىڭ فاكتورى ەكەندىگىن مويىنداۋ كەرەك. پىكىرلەر الۋاندىعى قوعامدىق دامۋعا سەرپىلىس بەرەتىن فاكتور. پارلامەنتكە، جەرگىلىكتى ماسليحاتتارعا كوكىرەگى وياۋ، ءپرينتسيپتى پوزيتسياسى بار، جاڭا بۋىن وكىلدەرى كەلۋى كەرەك. ۇرپاقتار ساباقتاستىعى دەگەنىمىز وسى. پارلامەنتە ەلىمىزدىڭ ساياسي پاليتراسىنىڭ بارلىق وكىلدەرى وتىرۋى كەرەك.

قاقتىعىس، ساياسي پولەميكا، پىكىرلەر ءسۇزىسۋى پارلامەنتە، ماسليحاتتاردا بولۋى كەرەك. ايتپەسە كوشە سويلەيدى. كوشە سويلەسە ەلىمىزدىڭ شاڭىراعى شايقالىپ كەتۋى ىقتيمال. ماسەلە ەۆوليۋتسيا مەن رەۆوليۋتسيادا بولىپ تۇر.
رەۆوليۋتسيا بولماۋى ءۇشىن، بيلىك ساياسي رەفورماعا بارىپ، بارشا پىكىر پاليتراسىن پارلامەنتكە كەلۋگە جاعداي جاساۋى كەرەك.

"تاستى لاقتىراتىن، تاستى جياتىن" كەزەڭ بولادى. قازىر، تاستى جياتىن كەزەڭدە تۇرمىز. ء"جۇز گۇل گۇلدەسىن" ءپرينتسيپى دەگەنىمىز وسى.سول پرينتسيپ ورىندالسا، ەلىمىز جاڭا ساياسي فورماعا بەيبىت تۇردە وتەدى. ايتپەسە، جاعداي ناسىرعا شابادى...

پارادوكس. مەملەكەتتىڭ قاۋىپسىزدىگى ءۇشىن وپپوزيتسيا قاجەت.

ەرلان سايروۆتىڭ جازباسى

Abai.kz