سەنبى, 8 مامىر 2021
1393 1 پىكىر 31 شىلدە, 2020 ساعات 16:45

ءبىرىنشى سىنىپقا قۇجاتتاردى قابىلداۋ 20 تامىزعا دەيىن ۇزارتىلدى

ءبىرىنشى سىنىپقا قۇجاتتاردى قابىلداۋ 20 تامىزعا دەيىن ۇزارتىلدى. بۇل تۋرالى قر ءبىلىم جانە عىلىم مينيسترلىگى حابارلادى. 

«ەلىمىزدە كارانتيندىك رەجيمنىڭ ۇزارتىلۋىنا بايلانىستى قر ءبىلىم جانە عىلىم مينيسترلىگى ءبىرىنشى سىنىپقا قۇجاتتاردى قابىلداۋ مەرزىمىن 20 تامىزعا دەيىن ۇزارتادى.

بۇگىنگى كۇنى 350 مىڭعا جۋىق ءوتىنىش ءتۇستى. ولاردىڭ باسىم كوپشىلىگى egov.kz «ەلەكتروندىق ۇكىمەت» پورتالى ارقىلى قابىلداندى»، - دەلىنگەن حابارلامادا. .

مەديتسينالىق انىقتامالاردى الۋ كەزىندەگى قيىندىقتارعا بايلانىستى ءبىلىم بەرۋ ۇيىمدارىنا قۇجاتتار تاپسىرۋ كەزىندە ولاردى ۇسىنباۋعا ۋاقىتشا رۇقسات ەتىلەدى. ءبىلىم مينيسترلىگىنىڭ اقپاراتىنا سۇيەنسەك، ەندى مەديتسينالىق انىقتامالاردى مۇمكىندىك بولعان كەزدە تاپسىرۋعا بولادى.

سونداي-اق، باستاۋىش سىنىپتاردا ءبىرىنشى توقساندا كەزەكشى سىنىپتار جۇمىس جاسايدى.

«باستاۋىش سىنىپ وقۋشىلارىنىڭ اتا-انالارىنىڭ جازباشا ءوتىنىشى بويىنشا، ءبىلىم بەرۋ ۇيىمىندا جاعداي بولسا، ءبىرىنشى توقساندا قاتاڭ سانيتارلىق شارالاردى ساقتاي وتىرىپ، كەزەكشى سىنىپتاردىڭ جۇمىس ىستەۋى ۇيىمداستىرىلاتىنىن ەستەرىڭىزگە سالامىز»، - دەپ جازىلعان رەسمي اقپاراتتا.

Abai.kz

1 پىكىر