جۇما, 29 ناۋرىز 2024
كوروناۆيرۋس 6532 0 پىكىر 3 تامىز, 2020 ساعات 11:38

كارانتين ەكى اپتاعا سوزىلدى

قازاقستان بويىنشا قاتاڭ كارانتين رەجيمى تاعى ەكى اپتاعا سوزىلدى. ءار ايماقتىڭ باس سانيتار دارىگەرلەرىنىڭ قاۋلىسى بويىنشا 3 تامىزدان باستاپ ەلدە شەكتەۋ شارالارى ەنگىزىلەدى.

بۇعان دەيىن مەملەكەت باسشىسى قاسىم-جومارت توقاەۆ ەپيدەميولوگيالىق احۋالدى تۇراقتاندىرۋ جونىندەگى كەڭەس بارىسىندا كارانتيندى تاعى ەكى اپتاعا ۇزارتۋدى تاپسىرعان ەدى.

ال، كەشە نۇر-سۇلتاننىڭ باس مەملەكەتتىك سانيتار دارىگەرى جاننا پراليەۆا نۇر-سۇلتان قالاسىندا قاتاڭ شەكتەۋ شارالارىن 2020 جىلدىڭ 3 تامىزىنان باستاپ ۇزارتۋ تۋرالى بۇيرىققا قول قويدى.

قاۋلىدا ايتىلعانداي، ويىن-ساۋىق، سپورت جانە باسقا دا بۇقارالىق ءىس - شارالاردى، سونداي-اق وتباسىلىق، ەسكە الۋ، فورۋم، كونفەرەنتسيا، سەمينار، جينالىس جانە باسقا دا جيىنداردى وتكىزۋگە تىيىم سالىنادى. سپورت جاتتىعۋىن تەك جەكە جانە اشىق اۋادا وتكىزۋگە بولادى. جەكە، 3 ادامنان نەمەسە ءبىر وتباسى مۇشەلەرىنەن باسقا تابيعاتقا ەكسكۋرسيا، كورپوراتيۆ، توپتىق سەرۋەن ۇيىمداستىرۋعا جانە رۇقسات ەتىلمەگەن جاعاجايلاردا شومىلۋعا تىيىم سالىنادى.

سونداي-اق، 65 جاستان اسقان ادامداردىڭ قالادا جانە باسقا دا قوعامدىق ورىنداردا جۇرۋىنە شەكتەۋ قويىلادى تۇرعىلىقتى جەرىنەن شىققان كەزدەن باستاپ ماسكا كيۋ بويىنشا مىندەتتى تالاپتاردى ساقتاۋ، 3 ادامعا دەيىن بىرگە سەرۋەندەۋ كەزىندە ادامدار اراسىندا كەمىندە 2 مەتر الەۋمەتتىك قاشىقتىقتى ساقتاۋ قاجەت.

جۇمىسقا بارىپ-قايتۋعا، اۋلالاردا جانە ساياباقتا، الاڭدا، سكۆەرلەرگە، جاعالاۋعا بارىپ سەرۋەندەۋگە - جەكە، ال بىرگە قىدىرعاندا 3 ادامنان اسپايتىن توپتارعا رۇقسات ەتىلەدى. قوعامدىق ورىندارعا، سونىڭ ىشىندە قالالىق قوعامدىق كولىككە جانە ادام كوپ جينالاتىن وبەكتىلەرگە بارۋ كەزىندە ماسكا كيۋ جانە انتيسەپتيك پايدالانۋ جونىندەگى تالاپتاردى قاتاڭ ساقتاۋ كەرەك.

ودان بولەك، سانيتارلىق-پروفيلاكتيكالىق ءىس-شارالاردى كۇشەيتە وتىرىپ، اشىق اۋادا جۇمىس ىستەيتىن كوتەرمە ازىق-تۇلىك جانە ازىق-تۇلىك ساتپايتىن بازارلار ساعات 13.00-گە دەيىن اشىق تۇرادى. سانيتارلىق-پروفيلاكتيكالىق ءىس-شارالاردى كۇشەيتە وتىرىپ، اشىق اۋاداعى ازىق-تۇلىك جانە ازىق-تۇلىك ساتپايتىن بازارلار جۇمىس جانە دەمالىس كۇندەرى ساعات 9.00-دەن 15.00-گە دەيىن ىستەۋى كەرەك.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563