وسى جىلدىڭ 16 شىلدەسى كۇنى ازات پەرۋاشەۆ دەنساۋلىق ساقتاۋ مينيسترلىگىنە مەديتسينالىق ساقتاندىرۋ قورىنىڭ مەديتسينالىق ستاتسيونارلاردىڭ رەانيماتسيالىق بولىمشەلەرىن قامتاماسىز ەتۋدەگى زاڭ بۇزۋشىلىقتار تۋرالى حات جولداعان بولاتىن. بىراق مينيسترلىكتەن جاۋاپتىڭ بولماۋىنا بايلانىستى ول تىكەلەي قر سىبايلاستىق جەمقورلىققا قارسى ءىس-قيمىل اگەنتتىگىنە حات جىبەردى.

قازاقستان رەسپۋبليكاسى
سىبايلاستىق جەمقورلىققا
قارسى ءىس-قيمىل
اگەنتتىگىنىڭ توراعاسى
ا.ج.شپەكباەۆقا

قۇرمەتتى اليك جاتقامبايۇلى!

وسى جىلدىڭ 16 شىلدەسىندە اشىق اقپارات كوزدەرىندە الەۋمەتتىك جانە مەديتسينالىق ساقتاندىرۋ قورى (فسمس) قىزمەتكەرلەرى ستاتسيونارلىق كومەك تۋرالى شارتتار جاساۋ كەزىندە رەانيماتسيالىق بولىمشەلەردىڭ بولۋى تۋرالى كەپىلدى مەديتسينالىق تەگىن كومەك كورسەتۋ تالاپتارىن (گوبمپ) جۇيەلى تۇردە بۇزىلاتىنى تۋرالى اقپارات جاريالاندى.

وسى اقپاراتقا سايكەس، گوبمپ ەرەجەلەرىندە ستاتسيونارداعى ءاربىر 100 توسەك ورىنعا كەم دەگەندە 15 رەانيماتسيالىق توسەك ورىن بولۋى ءتيىس جانە  رەانيماتسيالىق بولىمشىلەر قۇرال-جابدىقتارمەن، ونىڭ ىشىندە يۆل اپپاراتتارى بولعان كەزدە اشىلۋى قاجەت دەگەن مىندەتتى تالاپتار ەسكەرىلگەن.  

بىراق اۆتور قۋانىش كەرىمقۇلوۆ (قر العاشقى جەكە اۋرۋحانا اشقان) فسمس لاۋازىمدى تۇلعاسى سىبايلاستىق جەمقورلىق قاتىناستار نەگىزىندە اتالعان گوبمپ تالاپتارىن اينالىپ ءوتىپ، تۇرعىندارمەن ستاتسيونارلىق كومەك كورسەتۋگە شارت جاساعانىن، ونىڭ سالدارىنان قيىن كەزەڭدە رەانيماتسيالىق قۇرال-جابدىقتار بولماعانىن ايتادى. 

اۆتور گوبمپ تالاپتارى ورىندالعان كەزدە، كوپتەگەن ازاماتتاردىڭ ءومىرىن  ساقتاۋعا جانە COVID-19 پاندەميالىق ىندەتىنىڭ جانە وكپە اسقىنۋىن تومەندەتۋگە مۇمكىن بولاتىنىن اتاپ كورسەتەدى. 

وسىعان وراي، سول كۇنى، وسى جىلدىڭ 16 شىلدەسىندە، مەن قر دەنساۋلىق ساقتاۋ مينيسترلىگىنە اقپاراتتا كورسەتىلگەن گوبمپ ەرەجەلەرىندەستاتسيونارلاردىڭ رەانيماتسيالىق بولىمشەلەرى بەلگىلەنگەن كولەم ورىندارىنا قۇرىلاتىنى، ولار قاجەتتى جابدىقتارمەن، ونىڭ ىشىندە يۆل-دارمەن قامتاماسىز ەتۋ  تۋرالى تالاپتاردىڭ بارىن راستاۋدى نە جوققا شىعارۋدى سۇراپ حات (حاتتىڭ كوشىرمەسى تىركەلەدى) جولدادىم.      

الايدا وسى كۇنگە دەيىن (3 تامىز) مينيستىرلىكتەن اتالعان سۇراققا جاۋاپ المادىم.  

جوعارىدا ايتىلعاندارعا بايلانىستى، سىزدەن ايتىلعان اقپاراتقا قاتىستى  تەكسەرۋ جۇرگىزۋدى، ەگەر راستالعان جاعدايدا كىنالى لاۋازىمدى تۇلعالاردىڭ جاۋاپكەرشىلىككە تارتۋدى جانە كورسەتىلگەن كەمشىلىكتەردى مەديتسينالىق ستاتسيونارلىق مەكەمەلەردە جويۋ تۋرالى ماسەلەنى قاراستىرۋدى سۇرايمىن.

قۇرمەتپەن، ازات پەرۋاشەۆ،

«اق جول»  دەموكراتيالىق  پارتياسىنىڭ توراعاسى، قازاقستان رەسپۋبليكاسى پارلامەنتى  ءماجىلىسىنىڭ دەپۋتاتى

Abai.kz