بەيسەنبى, 28 ناۋرىز 2024
2502 4 پىكىر 9 تامىز, 2020 ساعات 12:21

بەيرۋتتا مىڭداعان ادام ۇكىمەت عيماراتتارىنا باسىپ كىردى

سەنبى، 8 تامىزدا بەيرۋت ورتالىعىندا مىڭداعان ادام ۇكىمەتكە قارسى ميتينگىگە شىقتى، نارازىلىق بىلدىرۋشىلەر مەن قاۋىپسىزدىك كۇشتەرى اراسىندا جاپپاي قاقتىعىس بولدى. بۇل تۋرالى Euronews تەلەارناسىنىڭ سيۋجەتىندە ايتىلدى.

الاڭعا شىققاندار مەملەكەتتىك عيماراتتارعا شابۋىل جاسادى: اتاپ ايتقاندا ءسىم، ەنەرگەتيكا، ەكونوميكا جانە تابيعاتتى قورعاۋ مينيسترلىكتەرىنە.

ليۆان بانكتەرى قاۋىمداستىعىنىڭ شتاب-پاتەرىن باسىپ الۋعا دا ارەكەت جاسالدى، بىراق كۇزەتشىلەر اشۋلى حالىققا قارسى تۇرا الدى. كەيىنىرەك اسكەر كەلىپ، نارازىلىق بىلدىرۋشىلەردى مينيسترلىك عيماراتتارىنان ىعىستىردى.

قاقتىعىس كەزىندە دەمونستراتسياعا قاتىسقان جۇزدەگەن تۇرعىن مەن 70-تەن اسا قۇقىق قورعاۋ ورگاندارى زارداپ شەكتى. قارۋلى كۇشتەردەن ءبىر قىزمەتكەر قازا تاپتى.

اكتسياعا قاتىسۋشىلار جارىلىسقا كىنالى دەپ سانايتىن جوعارى لاۋازىمدى شەنەۋنىكتەردى جازالاۋدى تالاپ ەتتى. ريا نوۆوستي ءتىلشىسى نارازىلىق بىلدىرۋشىلەر "بەيرۋت - دەميليتاريزاتسيالانعان قالا" جانە "رەۆوليۋتسيا استاناسى" دەپ جازىلعان پلاكاتتاردى كوتەرىپ شىققانىن جازدى.

ليۆان پرەزيدەنتى ميشەل اۋن، پارلامەنت سپيكەرى نابيح بەرري جانە پرەمەر-مينيستر حاسان ءديابتىڭ وتستاۆكاعا كەتۋى تالاپ ەتىلدى. سوڭعىسى مەرزىمىنەن بۇرىن سايلاۋ وتكىزۋگە شاقىردى.

"دۇيسەنبىدە مينيسترلەر كەڭەسىندە مەرزىمىنەن بۇرىن سايلاۋ وتكىزۋ تۋرالى ۇسىنىس جاسايمىن. بىزدە ۇلكەن قايعى بولدى", - دەدى حاسان دياب.

پرەمەر-مينيستر بەيرۋت پورتىنداعى جارىلىستىڭ تەرگەۋى ۇزاققا سوزىلمايتىنىن مالىمدەدى. ونىڭ ايتۋىنشا، بولعان وقيعا "كوپجىلدىق سىبايلاس جەمقورلىقتىڭ" ناتيجەسى جانە ول بارلىق كىنالى ادام تابىلاتىنىنا ۋادە بەردى.

ليۆان استاناسىنداعى قاقتىعىس كەزىندە دە ءۇش مىڭ تونناعا جۋىق اممياك سەليتراسى جارىلعان جەردە ىزدەستىرۋ-قۇتقارۋ جۇمىستارى جالعاسا بەردى. ەسكە سالايىق، جارىلىستان 150-دەن استام ادام قازا تاپتى، التى مىڭعا جۋىق ادام زارداپ شەكتى، 300 مىڭ تۇرعىن باسپاناسىز قالدى.

دەرەككوز: Tengrinews.kz

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532