ول 26 تامىزدا تەرگەۋ كوميتەتىندە بولۋى ءتيىس. وسىلاي دەپ ۆيكتور باباريكو شتابىنىڭ ءباسپاسوز قىزمەتى حابارلادى.

سۆەتلانا الەكسيەۆيچ – ۇيلەستىرۋ كەڭەسى مۇشەلەرىنىڭ ءبىرى. ماريا كولەسنيكوۆانىڭ سوزىنشە، جازۋشى دەنساۋلىعىنا بايلانىستى پرەزيديۋم جينالىسىنا قاتىسا المايدى. بىراق بەلسەندىلەرمەن ۇنەمى بايلانىستا.

پرەزيديۋمنىڭ وزگە مۇشەلەرى ماكسيم زناك پەن سەرگەي ديلەۆسكي تەرگەۋگە شاقىرىلعان. 25 تامىزدا كۋپالوۆ تەاترىنىڭ ەكس-ديرەكتورى پاۆەل لاتۋشكو دا تەرگەۋ كوميتەتىندە بولۋى ءتيىس.

24 تامىزدا مينسك تراكتور زاۋىتىنىڭ الدىندا ارنايى جاساق وپپوزيتسيالىق ۇيلەستىرۋ كەڭەسىنىڭ مۇشەلەرى ولگا كوۆالكوۆا مەن سەرگەي دىلەۆسكيدى ۇستادى.

"بەلساتتىڭ" جازۋىنشا، ولارعا "رۇقسات ەتىلمەگەن شارا ۇيىمداستىردى" دەگەن ايىپ تاعىلعان.

ۇيلەستىرۋ كەڭەسى وكىلدەرىنىڭ مالىمەتىنشە، كوۆالكوۆا مەن دىلەۆسكيدى اكىمشىلىك ءىس اياسىندا ۇستاعان، ولارعا ايىپپۇل سالىنۋى مۇمكىن. ەكى بەلسەندىنى ارنايى جاساق دۇيسەنبى كۇنى تاڭەرتەڭ اۆتوزاكقا وتىرعىزىپ الىپ كەتكەن.

"بەلارۋسكالي" ەرەۋىلشىلەر كوميتەتىنىڭ تەڭ توراعاسى اناتولي بوكۋن دا ۇستالىپ، وعان زاڭسىز ميتينگىگە قاتىستى دەپ ايىپپۇل تولەپ، بوساتتى دەپ حابارلايدى TUT.BY.

بەلارۋس باس پروكۋراتۋراسى 20 تامىزدا "بيلىكتى تارتىپ الۋ" بابى بويىنشا ۇليەستىرۋ كەڭەسىن قۇرۋشىلارعا قارسى قىلمىستىق ءىس قوزعادى.

بەلارۋس وپپوزيتسياسى بۇعان دەيىن بيلىكتى بەيبىت اۋىستىرۋ جونىندەگى ۇيلەستىرۋ كەڭەسىن قۇرعانىن حابارلاعان بولاتىن. بۇل ورگان پرەزيدەنت سايلاۋىنا قاتىسقان وپپوزيتسيا كانديداتى سۆەتلانا تيحانوۆسكانىڭ باستاماسىمەن قۇرىلعان دەپ ايتىلادى.

بەلارۋستە 9 تامىزدان بەرى الەكساندر لۋكاشەنكونىڭ وتستاۆكاسى جانە ساياسي تۇتقىنداردى بوساتۋدى تالاپ ەتكەن نارازىلىق شارالارى جالعاسىپ جاتىر.

جەكسەنبى كۇنى ەلدە "جاڭا بەلارۋس مارشى" ءوتىپ، مينسكىدەگى اكتسياعا كەمىندە 200 مىڭ ادام قاتىستى.

Abai.kz