مەنىڭ دە ءتۇرلى قوزقاراستاعى (ساياسي، ءدىني جانە ت.ب.) تۋىستارىم، دوستارىم، تانىستارىم بار. سولاردىڭ كوبىسىنە “توپتىق ويلاۋ” فەنومەنىن تۇسىندىرۋگە تىرىستىم. اسىرەسە، مەملەكەتتىك قىزمەتتە ىستەيتىندەرگە “توپتىق ويلاۋدى” قابىلداۋ قيىنعا سوعاتىنىن بايقادىم. ولار سوۆەت ۇكىمەتىنەن قالعان “كتو نە س نامي، توت پروتيۆ ناس” دەگەن ۇستانىممەن ءومىر سۇرەتىندەي اسەر قالدىرادى.

PS. رەسپۋبليكالىقتار دەموكراتتار ۇسىنعان “پاتسيەنتتەردى قورعاۋ جانە قولجەتىمدى مەدكومەك” زاڭىن جويۋعا كۇش سالىپ، داۋىسقا سالعان ەدى. رەسپۋبليكالىق دجون ماككەين مەن سيۋزان كوللينزتىڭ داۋىسىنىڭ ارقاسىندا زاڭ ءوز كۇشىن ساقتاپ قالدى. الايدا ماككەين مۇنداي قادامعا بايدەنمەن دوس بولعاندىقتان بارعان جوق. ول ءجاي عانا مەملەكەتكىشىل سەناتور ەدى. قاراپايىم امەريكالىقتاردىڭ مۇددەسىن قورعاۋ كەرەك بولسا، ول ءوز پارتياسىنا، ءتىپتى دوسىنا قارسى شىعۋدان قورىقپايتىن بىربەتكەي، ءپرينتسيپشىل تۇلعا ەدى. ۇستانىم قايشىلىعىنا قاراماستان ءبىر-ءبىرىنىڭ اسىل قاسيەتتەرىن قادىر تۇتىپ، باعالاي بىلگەن دجون مەن دجونىڭ دوستىعا قالاي سۇيسىنبەيسىڭ؟!