جۇما, 29 ناۋرىز 2024
4793 3 پىكىر 31 تامىز, 2020 ساعات 09:55

بەلارۋستا لۋكاشەنكوعا قارسى جاڭا اكتسيا ءوتتى

جەكسەنبىدە مينسكىدە وتكەن "بەيبىتشىلىك جانە تاۋەلسىزدىك مارشىنا" ون مىڭداعان ادام شىعىپ، پرەزيدەنت سايلاۋىنىڭ رەسمي ناتيجەسىنە قارسىلىق ءبىلدىردى.

قالانىڭ ءار تۇكپىرىنەن شىققان دەمونسترانتتار پرەزيدەنت الەكساندر لۋكاشەنكونىڭ رەزيدەنتسياسىنا دەيىن باردى.

كەشكىسىن قاتتى جاڭبىر باستالعاننان كەيىن قارسىلىق بىلدىرۋشىلەر بىرتىندەپ تاۋەلسىزدىك الاڭىنان كەتە باستادى. سوڭىندا ونداعان ادام قالعاندا، پرەزيدەنت كومەكشىسى نيكولاي لاتىشەنوك شىققان. ول ادامدارمەن 40 ءمينوتتاي سويلەستى دەپ حابارلايدى Tut.By.

ازاتتىقتىڭ بەلارۋس قىزمەتى تىكەلەي ەفير جۇرگىزدى.

كۇنى بويى الەكساندر لۋكاشەنكو وتىرعان رەزيدەنتسيانى قورشاپ تۇرعان اسكەري تەحنيكالار دا كەشكىسىن كەتتى.

قارسىلىق اكتسياسى بەلارۋستىڭ موگيليوۆ، برەست، گرودنو، جودينو، پينسك، ورشا قالالارىندا دا وتكەن. ءىىم مالىمەتى بويىنشا، مينسكىدە 140 ادام ۇستالعان.

اككرەديتاتسيادان ايىرىلعان "ۆەسنا" قۇقىق قورعاۋ ورتالىعىنىڭ مالىمەتىنشە، ميتينگىدە نەگىزىنەن ەر ادامداردى ۇستاعان.

لۋكاشەنكو رەزيدەنتسياسىنىڭ الدىنا كەلگەن قارسىلىق بىلدىرۋشىلەر ونىڭ تۋعان كۇنىنە دەپ ءتۇرلى "سىيلىقتار" تاستاپ كەتىپ جاتتى. اراسىندا "ديكتاتور – ساياسي ولىك" دەگەن جازۋى بار تابىت تا بولدى.

جۋرناليستەردىڭ حابارلاۋىنشا، قارسىلىق بىلدىرۋشىلەر وتكەن اپتادان دا كوپ بولعان.

گەرمانيا ءسىم بەرليندەگى بەلارۋس ەلشىسىن شاقىرىپ، نوتا جولداماقشى. وعان سەبەپ، مينسك بىرقاتار شەتەلدىك جۋرناليستەردى اككرەديتاتسياسىنان ايىرعان.

وسىنىڭ الدىندا بەلارۋس سىرتقى ىستەر مينيسترلىگى ازاتتىقتىڭ بەلارۋس قىزمەتىنىڭ ءتورت ءتىلشىسىن جانە "ناستوياششەە ۆرەميا" تەلەكانالى ءتىلشىسىن اككرەديتاتسيادان ايىرعان. ەندى ولارعا ەلدە جۇمىس ىستەۋگە مۇلدەم تىيىم سالدى.

بەلارۋستا 9 تامىزدا پرەزيدەنت سايلاۋى وتكەن. رەسمي مالىمەت بويىنشا قازىرگى پرەزيدەنت الەكساندر لۋكاشەنكو سايلاۋشىلاردىڭ 80 پروتسەنت داۋىسىن العان. وپپوزيتسيا سايلاۋ ناتيجەسىن مويىنداماي، كوپتەگەن بۇرمالاۋعا جول بەرىلگەنىن مالىمدەپ كەلەدى.

سايلاۋ وتكەننەن بەرى بەلارۋستا لۋكاشەنكونىڭ وتستاۆكاسىن تالاپ ەتكەن جاپپاي نارازىلىق اكتسيالار ءوتىپ جاتىر. بيلىك دەمونسترانتتارعا قارسى كۇش قولداندى. مىڭداعان ادام ۇستالىپ، ولار ومون جانە باسقا ميليتسيا وكىلدەرى تاراپىنان قۋعىندالىپ، ازاپتالعان.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594