ەلباسى نۇرسۇلتان ءابىشۇلى نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا قامتىلعان التى ارنايى جوبىنىڭ ءبىرى «تۋعان جەر».

ەلباسىنىڭ جالپىۇلتتىق «رۋحاني جاڭعىرۋ» باعدارلاماسى جۇزەگە اسىرىلا باستاعان ءۇش جىلدا «تۋعان جەر» جوباسى اياسىندا اتقارىلعان شارالار اۋقىمى از ەمەس. قر اقپارات جانە قوعامدىق دامۋ مينيسترىلىگىنىڭ مالىمەتىنشە، جوبا قولعا الىنعان ءۇش جىلدا قازاق كاسىپكەرلەرى، قازاقستاندىق قالتى ازاماتتار وزدەرىنىڭ تۋعان جەرلەرىنە ۇزىن-ىرعاسى 270 ميلليارد تەڭگەنىڭ كومەگىن كورسەتكەن ەكەن. بۇل تۋرالى قر اقپارات جانە قوعامدىق دامۋ ۆيتسە-ءمينيسترى بولات تىلەپوۆ مالىمدەدى.

جالپى سانى 12 مىڭ كاسىپكەر، قالتالى ازامات «تۋعان جەر» جوباسىن اتقارۋ،ا اتسالىسقان ەكەن.

«رۋحاني جاڭعىرۋ» باعدارلاماسى جاريالانىپ، «تۋعان جەر» جوباسى قولعا الىنعان سوڭعى ءۇش جىلدا ەلىمىزدەگى اتىمتاي جومارت، قالتالى ازاماتتار وزدەرىنىڭ تۋعان جەرلەرىن كوركەيتۋگە بەلسەندى اتسالىسىپ كەلەدى. وسىعان بايلانىستى ءبىزدىڭ اقپارات جانە قوعامدىق دامۋ مينيسترلىگى 2018 جىلدان باستاپ «جومارت جۇرەك» قوعامدىق سىيلىعىن تاعايىنداعان بولاتىن.

ول بويىنشا سوڭعى ءۇش جىلدا 12 مىڭ مەتسەنات جالپى سوماسى 270 ميلليارد تەڭگەنىڭ كومەگىن كورسەتكەنىن ايتا كەتكىم كەلەدى»، - دەيدى ۆيتسە-مينيستر.

مينيسترلىك ۇسىنعان اقپاراتقا سۇيەنسەك، بۇل قاراجاتقا 2600-دەن استام ءتۇرلى نىسانداردىڭ قۇرىلىسى باستالىپ، 2142 عيمارات قايتا جوندەۋدەن وتكىزىلگەن. بۇل نىسانداردىڭ دەنى رۋحاني الەۋمەتىتك ماڭىزى بار نىساندار ەكەن.

«بيىلعى جىلدىڭ وزىندە، الەمدەگى اۋمالى-توكپەلى احۋالدارعا قاراماستان 2 مىڭنان استام دەمەۋشى ازاماتتاردىڭ ارقسىندا 200-دەن استام (228) نىسان سالىندى. بۇل رەسپۋبليكامىزدىڭ ءار ايماقتارىندا اتقارىلىپ جاتقان جۇمىستاردىڭ ناقتى كورسەتكىشى.

ولاردىڭ ىشىندە بالاباقشا، مەكتەپ، مادەنيەت ۇيلەرى، سپورت الاڭدارى مەن بالالار الاڭدارى بار. ءسوزسىز، بۇل باعىتتاعى جۇمىستار الداعى ۋاقتا دا جالعاساتىن بولادى. ول ءۇشىن ۇكىمەت پەن جەرگىلىكتى بيلىك تاراپىنان بارلىق جاعداي جاسالاتىن بولادى»، - دەيدى ۆيتسە-مينيستر.

Abai.kz