مامانداندىرىلعان پروكۋرورلار جانە انتيكوررۋپتسيا قىزمەتى قاراعاندى قالاسى اكىمىنىڭ ورىنباسارى جاقسىلىق شالابەكوۆكە قاتىستى قىلمىستىق ءىس قوزعادى. بۇل تۋرالى Tengrinews.kz جازدى. 

شەنەۋنىكتىڭ ۇستالعانىن انتيكوررۋپتسيا قىزمەتىندەگىلەر راستادى جانە ءىس بويىنشا حابار تاراتتى. ۆەدومستۆونىڭ مالىمەتىنشە، شالابەكوۆكە قاتىستى قىلمىستىق ءىس قوزعالعان. الايدا قاي باپ بويىنشا ەكەنى تەرگەۋ مۇددەسىنە سايكەس ايتىلمادى.

شەنەۋنىكتىڭ ۇستالعانىن انتيكوررۋپتسيا قىزمەتىندەگىلەر راستادى جانە ءىس بويىنشا حابار تاراتتى. ۆەدومستۆونىڭ مالىمەتىنشە، شالابەكوۆكە قاتىستى قىلمىستىق ءىس قوزعالعان. الايدا قاي باپ بويىنشا ەكەنى تەرگەۋ مۇددەسىنە سايكەس ايتىلمادى.

ال، قاراعاندى وبلىسى پروكۋراتۋراسىنىڭ وكىلدەرى 12 قىركۇيەكتە قاراعاندى وبلىسى پروكۋراتۋراسىنىڭ ارنايى پروكۋرورلار باسقارماسىنىڭ قىزمەتكەرلەرى قالا اكىمىنىڭ ورىنباسارىن ۇستاعانىن مالىمدەگەن.

"لاۋازىمدى تۇلعا قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگىندە كورسەتىلگەن قىلمىستىق قۇقىقبۇزۋشىلىق جاسادى دەگەن كۇدىككە ءىلىندى. 2018 جىلى قاراعاندىنىڭ ءىرى پانەلدى تۇرعىن ۇيلەرىن سالۋعا "نۇرلى جەر" مەملەكەتتىك باعدارلاماسى بويىنشا بولىنگەن بيۋدجەت قاراجاتىن جىمقىرۋ جانە جىمقىرۋ بويىنشا الدىن الا ءسوز بايلاستى دەپ ايىپتالىپ وتىر", - دەلىنگەن حابارلامادا.

پروكۋراتۋراداعىلار مەملەكەتكە 107 ميلليون تەڭگەگە شىعىن كەلتىرىلگەنىن ايتادى. قازىرگى ۋاقىتتا شالابەكوۆ سوتتىڭ سانكتسياسىمەن ەكى ايعا قاماۋعا الىندى.

"تەرگەۋ جۇرگىزىلىپ جاتىر، ءىس وبلىس پروكۋراتۋراسى باسشىلىعىنىڭ ەرەكشە باقىلاۋىندا. قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابى بويىنشا تەرگەۋگە قاىتستى  وزگە دە اقپارات قۇپيا بولىپ سانالادى جانە ونى جاريالاۋعا بولمايدى", - دەدى پروكۋراتۋرا وكىلدەرى.

جاقسىلىق شالابەكوۆ قاراعاندى قالاسى اكىمىنىڭ ورىنباسارى بولىپ وتكەن جىلدىڭ اقپانىندا تاعايىندالعان بولاتىن. 2011 جىلدان باستاپ 2019 جىلعا دەيىن ول قالانىڭ قۇرىلىس ءبولىمىن باسقاردى. شالابەكوۆ اكىمنىڭ ورىنباسارى بولعاندا جەر پايدالانۋ، قالا قۇرىلىسى، ساۋلەت، ءۇيدى جانە الەۋمەتتىك نىسانداردى پايدالانۋعا بەرۋ ماسەلەلەرىنە جەتەكشىلىك ەتتى.

Abai.kz