جۇما, 29 ناۋرىز 2024
3139 2 پىكىر 18 قىركۇيەك, 2020 ساعات 11:49

قىتاي قازاقستانمەن دەنساۋلىق قاۋىمداستىعىن قۇرادى

قىتاي، رەسەي، قازاقستان، موڭعوليا جانە قىرعىزستان پاندەمياعا قارسى دەنساۋلىق قاۋىمداستىعىن بىرلەسىپ قۇرۋعا كەلىستى. بۇل تۋرالى Central Asia Media مالىمدەدى. 

بۇل تۋرالى قىتاي مەملەكەتتىك كەڭەسىنىڭ مۇشەسى جانە سىرتقى ىستەر ءمينيسترى ۆان ي شانحاي ىنتىماقتاستىق ۇيىمىنا (شىۇ) مۇشە ەلدەردىڭ سىرتقى ىستەر مينيسترلەرىمەن كەزدەسۋدە مالىمدەدى.

شەشىم ءتورت ەلدىڭ سىرتقى ىستەر مينيسترلەرىمەن ۆيرۋسپەن كۇرەسۋ ءۇشىن پاندەمياعا قارسى ىنتىماقتاستىقتى نىعايتۋ تۋرالى پىكىر الماسقاننان كەيىن قابىلداندى.

ۆان ءيدىڭ ايتۋىنشا، ەلدەر پاندەميا باستالعالى ءبىر-ءبىرىن ءتيىمدى قولداپ كەلەدى. ەندى مينيسترلەر ءتورت سالادا شارالار قابىلداۋعا كەلىستى.

بىرىنشىدەن، بەس ەل پاندەمياعا قارسى ىنتىماقتاستىقتى نىعايتادى، دۇنيەجۇزىلىك دەنساۋلىق ساقتاۋ ۇيىمى مەن ونىڭ ۇيلەستىرۋشى ءرولىن قولدايدى جانە پاندەميانى ساياساتتاندىرۋعا جانە ۆيرۋسقا گەوگرافيالىق بەلگى بەرۋگە باعىتتالعان كەز-كەلگەن ارەكەتكە قارسى بولادى.

ەكىنشىدەن، ولار پاندەمياعا قارسى جەتىستىكتەردى بىرىكتىرەدى جانە كەڭەيتەدى.

ۆان ي قىتاي پاندەميامەن كۇرەسۋ ءۇشىن ماتەريالدار ساتىپ الۋ، مامانداردى وقىتۋ، تاجىريبە الماسۋ جانە ءدارى-دارمەكتەردى ازىرلەۋدەگى ىنتىماقتاستىق، سونداي-اق مۇددەلى تاراپتارمەن بايلانىس تەتىكتەرىن قۇرۋدى جەدەلدەتۋ سياقتى باسقا ەلدەرگە ءوز مۇمكىندىكتەرى شەگىندە كومەك كورسەتۋدى جالعاستىرۋعا دايىن ەكەنىن ايتتى.

ۇشىنشىدەن، ولار ۆاكتسينانى ازىرلەۋ، ءوندىرۋ جانە ساتىپ الۋ سالاسىنداعى ىنتىماقتاستىقتى بەلسەندى تۇردە ىلگەرىلەتەدى.

تورتىنشىدەن، ولار ءداستۇرلى قىتاي مەديتسيناسىندا بىرلەسۋگە كۇش سالادى، ويتكەنى قىتاي حالىق دەنساۋلىعى ءۇشىن ءارتۇرلى ەلدەردىڭ قاجەتتىلىكتەرىن قاناعاتتاندىرۋ ماقساتىندا ءداستۇرلى قىتاي مەديتسيناسىن قولدانۋعا دايىن.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594