سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
1132 0 پىكىر 18 قىركۇيەك, 2020 ساعات 13:01

بجعم 25 جوعارى وقۋ ورنىنىڭ 60 ليتسەنزياسىن قايتارىپ الدى

كۇنى كەشە ءبىلىم جانە عىلىم مينيسترلىگى 25 جوعارى وقۋ ورنىنىڭ 60 ليتسەنزياسىن قايتارىپ العانىن مالىمدەدى. بۇل شارا مەملەكەت باسشىسىنىڭ جوعارى ءبىلىم بەرۋ ساپاسىن قامتاماسىز ەتۋ جونىندەگى تاپسىرماسى اياسىندا قابىلدانعان. 

قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى 25 جوعارى وقۋ ورنىنىڭ كادرلاردى دايىنداۋ باعىتتارى بويىنشا  ليتسەنزيالارعا 60 قوسىمشاسىن قايتارىپ الدى. ولاردىڭ باسىم بولىگى كوميتەتتىڭ تەكسەرىسىنەن كەيىن قايتارىلدى.

نەگىزىنەن بۇل جوو-لار «پەداگوگيكالىق عىلىمدار»، «ونەر»، «گۋمانيتارلىق عىلىمدار»، «جاراتىلىستانۋ عىلىمدارى»، «تەحنيكا عىلىمدارى»، «قىزمەت كورسەتۋ» جانە «الەۋمەتتىك جۇمىس»، «الەۋمەتتىك عىلىمدار» باعىتتارى بويىنشا كادرلار دايارلاۋدى جۇزەگە اسىردى.

جۇرگىزىلگەن تەكسەرۋ ناتيجەلەرى بويىنشا جوو-لار نورماتيۆتىك قۇقىقتىق اكتىلەردى ساقتاماعانى انىقتالدى. ولقىلىقتارعا نەگىزىنەن تالاپكەرلەردى قابىلداۋ، پروفەسسور-وقىتۋشىلار قۇرامنىڭ (پوق) بىلىكتىلىگىن ارتتىرۋ، پروفەسسور-وقىتۋشىلار قۇرامىن كونكۋرس ارقىلى الماستىرۋ، پروفەسسور-وقىتۋشىلار قۇرامىنىڭ وقۋ جۇكتەمەسىن جوسپارلاۋ، ءبىلىم الۋشىلاردى قورىتىندى اتتەستاتتاۋ، ديپلوم بلانكىلەرىن ەسەپكە الۋ جانە ت.ب. بويىنشا جول بەرىلگەن.

«پرەزيدەنتتىڭ تاپسىرماسى بويىنشا جۇمىستى ەكى باعىتتا جۇرگىزىپ جاتىرمىز. بىرىنشىدەن، ءالسىز ۋنيۆەرسيتەتتەردى تولىقتاي جابۋ، ەكىنشىدەن، بۇل جاعدايدا ۋنيۆەرسيتەتتەردى ساپاسى تومەن، جابدىقتارى جەتىسپەيتىن جانە ت.ب. ماماندىقتارى بويىنشا ليتسەنزياسىنان ايىرۋ. مىسالى، بازاسى جوق جانە ماماندى دايىنداۋ بويىنشا تالاپقا ساي ساپانى قامتاماسىز ەتە المايتىن پەداگوگيكالىق جوعارى وقۋ ورنى ينجەنەرلەردى وقىتىپ شىعارعان كەزدە نەمەسە تەحنيكالىق ۋنيۆەرسيتەت مۋزىكانتتاردى دايىنداعان جاعدايدا. ءيا، بۇل جوعارى وقۋ ورىندارى ءۇشىن وتە اۋىر پروتسەسس، جوعارى وقۋ ورىندارى قوماقتى كىرىستەر مەن ستۋدەنتتەردى جوعالتادى، بىراق ءبىز ءۇشىن ساپانى قامتاماسىز ەتۋ ماڭىزدى» – دەپ ءتۇسىندىردى ءبىلىم جانە عىلىم ۆيتسە-مينيستر ميراس داۋلەنوۆ.

بيىل ءبىلىم بەرۋ قىزمەتىنە قويىلاتىن بىلىكتىلىك تالاپتارى كۇشەيتىلدى، سونداي-اق مەملەكەتتىك جالپىعا مىندەتتى ءبىلىم بەرۋ ستاندارتى مەن قىزمەتتىڭ ۇلگىلىك قاعيدالارى جاڭارتىلعانىن ەستەرىڭىزگە سالامىز.

 Abai.kz

0 پىكىر