رەسەي ۇكىمەتى قازاقستان ازاماتتارى جانە قازاقستاندا تۇرۋعا ىقتيارحاتى بار ازاماتتارعا رەسەيگە كىرۋگە رۇقسات ەتتى. بۇل تۋرالى ريا نوۆوستي مالىمدەدى.

رەسەي مينيسترلەر كابينەتىنىڭ ءباسپاسوز قىزمەتىندەگىلەردىڭ مالىمەتىنشە، ەلدەر اراسىندا رەيس اپتاسىنا ءبىر رەت بولادى. قازاقستانمەن (نۇر-سۇلتان), قىرعىزستانمەن (بىشكەك) جانە بەلارۋسپەن (مينسك) اۋە قاتىناسى 21 قىركۇيەكتە، ال وڭتۇستىك كورەيامەن (سەۋل) 27 قىركۇيەكتە اشىلادى.

"تاعى ءتورت ەلدىڭ - بەلارۋس، قازاقستان، قىرعىزستان جانە كورەيا ازاماتتارى ءۇشىن كوروناۆيرۋس تارالۋىنا بايلانىستى رەسەيگە كىرۋگە قويىلعان شەكتەۋلەر الىپ تاستالدى. بۇل تۋرالى ۇكىمەتتىڭ قاۋلىسى شىقتى", - دەلىنگەن حابارلامادا.

سونداي-اق قازاقستان ۇقك قىزمەتكەرلەرى تەك اۋە قاتىناسى اشىلاتىنىن اتاپ ءوتتى.

Abai.kz