تۇرعىندار قۇرىلىس اۋىلدىڭ 12-عاسىردان بەرى قالعان تاريحي كەلبەتىن بۇزادى دەپ سانايدى. بۇل تۋرالى بريتانيالىق تابلويد Daily Mail حابارلادى.

باسىلىمنىڭ جازۋىنشا، بيزنەسمەن جىلقى وسىرەتىن Hesmonds Stud جىلقى وسىرەتىن ورىندى 2010 جىلى ساتىپ العان. سول كەزدە يست-حورسلي تۇرعىندارى بيزنەسمەننىڭ ينۆەستيتسياسىن قولداعان. بىراق 2019 جىلى قاراشادا بيزاكوۆ فرانتسۋزدىق نورمانياداعى Montfort & Préaux ات باپتايتىن جەردى ساتىپ الىپ، Hesmonds Stud جەرىنە ءۇي سالۋدى شەشكەن.

باسىلىمنىڭ حابارلاۋىنشا، ول شىلدەدە "اۋىل تۇرعىندارىنىڭ قارسىلىعىنا قاراماستان" تۇرعىن ءۇي كەشەنىنىڭ سالىنۋىنا رۇقسات العان. نارازى تۇرعىندار سوتقا شاعىمدانباق. يست-حورسليدە 500 ءۇي بار. بيزاكوۆ تاعى 205 ءۇي سالۋدى جوسپارلايدى.

يست-حورسلي اۋىلىنىڭ تۇرعىنى دجوناتان ۋوكەر Daily Mail باسىلىمىنا بيزاكوۆتى جاقسى كورشى دەپ ساناپ كەلگەنىن، بىراق ونىڭ قۇرىلىسى مىڭ جىلدىق اۋىلدىڭ كوركىن بۇزاتىنىن ايتقان.

"ول بوند ستيلىندە قازىرگى زامانعا ساي ءزاۋلىم ءۇي سالىپ، جاسىرىن قالدى. مەنىڭشە، ول اۋىلدىڭ كوركىن بۇزىپ تاپقان ميلليوندارىن الىپ، ءتۇبى فرانتسياعا كەتىپ قالادى" دەدى ول.

نۇرلان بيزاكوۆ 2017 جىلى Forbes جۋرنالىنىڭ قازاقستانداعى ەڭ باي 50 بيزنەسمەننىڭ تىزىمىنە ەنگەن. سول كەزدە ونىڭ بايلىعى 445 ميلليون دوللار دەپ ەسەپتەلگەن. ءار جىلدارى ول "قازكوممەرتسبانك" ديرەكتورلار كەڭەسىنىڭ مۇشەسى، "شنوس" كومپانياسىنىڭ باسقارۋ كەڭەسىنىڭ باسشىسى، "نەفتەبانك" قۇرىلتايشىسى، "سۇمبە" كومپانياسى ديرەكتورلار كەڭەسىنىڭ توراعاسى، "قازفوسفات" كومپانياسى باسقارۋ كەڭەسىنىڭ توراعاسى بولعان.

Hesmonds Stud جىلقى باپتايتىن جەردە تازا قاندى جىلقىلار وسىرىلەدى. بۇل زاۋىتتىڭ جىلقىلارى انگلياداعى بايگەلەردە بىرنەشە رەت جۇلدە العان. ونىڭ اۋماعى 160 گەكتەر.

Abai.kz