2017 جىلدىڭ ءساۋىر ايىندا تۇڭعىش پرەزيدەنت نۇرسۇلتان ءابىشۇلى نازارباەۆ «بولاشاققا باعدار: رۋحاني جاڭعىرۋ» اتتى ماقالاسىن جاريالاعان ەدى. ەلباسى وسى ماقالاسىندا «قازاقستانداعى 100 جاڭا ەسىم» ارنايى جوباسىن قولعا الىپ، ەل ىشىندەگى ىزگى باعىتتا جۇمىس جاساپ جاتقان جاستاردى كوپشىلىككە ۇلگى ەتۋدى ۇسىنعان بولاتىن.

سودان باستاپ «قازاقستاننىڭ 100 جاڭا تۇلعاسى» جوباسى ءۇش جىلدان بەرى قازاقستان رەسپۋبليكاسى اقپارات جانە كوممۋنيكاتسيا مينيسترلىگى مەن قازاقستان حالىقتارى اسسامبلەياسىنىڭ ۇيىمداستىرۋىمەن ءوتىپ كەلەدى. وسى جوبانىڭ ارقاسىندا كوپتەگەن ەلگە ۇلگى بولارلىق جاستارىمىز جارقىرىپ كورىندى.

«مەن بۇگىنگى زامانداستارىمىزدىڭ جەتىستىكتەرىنىڭ تاريحىنا دا نازار اۋدارۋدى ۇسىنامىن. بۇل يدەيانى «قازاقستانداعى 100 جاڭا ەسىم» جوباسى ارقىلى ىسكە اسىرعان ءجون. «قازاقستانداعى 100 جاڭا ەسىم» جوباسى – تاۋەلسىزدىك جىلدارىندا تابىسقا جەتكەن، ەلىمىزدىڭ ءار وڭىرىندە تۇراتىن ءتۇرلى جاستاعى، سان الۋان ەتنوس وكىلدەرىنىڭ تاريحى»، - دەگەن بولاتىن ەلباسى نۇرسۇلتان نازارباەۆ.

جاقىندا ەلباسى ءوزى مۇرىندىق بولعان «رۋحاني جاڭعىرۋ» جوباسىن جان-جاقتى ناسيحاتتاۋ ءۇشىن «قازاقستان جاستارىنىڭ 100 جاڭا ەسىمى» دەپ اتالاتىن رەسپۋبليكالىق بايقاۋ ۇيىمداستىرىلدى. ەلدەگى ەڭ ۇزدىك جاستار قاتىسقان ءىس-شارا قورىتىندىسىنا ساي، نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ «ءدىنتانۋ» ماماندىعىندا وقيتىن حيبادات جاقسىلىق ەسىمدى ەكىنشى كۋرس ستۋدەنتى توپ جاردى.

اتالعان سىندا باس جۇلدە العان ستۋدەنت قازاقستان رەسپۋبليكاسى جاستار ساياساتىنىڭ وڭ باعىتتا دامۋىنا ۇلكەن ۇلەس قوسقانى ءۇشىن ماراپاتتالدى. وعان قوعامدىق ماڭىزدى ءىس-شارالارعا بارىنشا بەلسەندى اتسالىسقانى ءۇشىن، جاستار اراسىنداعى كوشباسشىلىق مۇمكىندىگىن كورسەتكەنى ءۇشىن «قازاقستان جاستارىنىڭ 100 جاڭا ەسىمى» توسبەلگىسى تابىستالدى.

ايتا كەتەرلىگى، نۇر-سۇلتان قالاسىندا وتكەن اتالعان ءىس-شارا جاستاردى وتانسۇيگىشتىككە، پاتريوتتىققا باستايتىن ىزگى شارالاردىڭ ءبىرى. ەلباسى نۇرسۇلتان نازارباەۆتىڭ «قازاقستانداعى 100 جاڭا ەسىم» جوباسىن جولعا قويۋداعى باستى ماقساتى دا وسكەلەڭ ۇرپاقتىڭ وتانشىلدىق رۋحىن قالىپتاستىرۋ، ەل ءۇشىن ەڭبەك ەتىپ جۇرگەن ۇلگىلى جاستارى قوعام الدىندا ۇگىتتەۋ بولاتىن.

ەلىمىزدە ەرىنبەي ەڭبەك ەتىپ، يگىلىك جاراتقان، زامانداستارىنا، بولاشاق جاستارعا ۇلگى بولارلىق ازاماتتار از ەمەس. ولاردىڭ ماڭداي تەرىمەن جەتكەن جەتىستىگىن جىرلاپ، جاقسىلىعىن جوعارى دەڭگەيدە ناسيحاتتاۋدىڭ ماڭىزى مول. ءبىز ءسوز ەتىپ وتىرعان «قازاقستان جاستارىنىڭ 100 جاڭا ەسىمى» بايقاۋى دا زامانداستارىنا ۇلگى بولارلىق جاستاردى قولداۋعا باعىتتالعان ءبىر ەگەي جوبا.

Abai.kz