"ەشقايدا كەتپەۋ تۋرالى قولحاتتى تالاپ ەتتىم. پروكۋرور ۇيقاماقتى ءجون كوردى" دەدى بايداروۆ.
2 قازان كۇنى بورانبايدىڭ "ۇلتتىق الاۋىزدىق قوزدىرۋ" (قىلمىستىق كودەكستىڭ 174-بابى) جانە "كونستيتۋتسيالىق قۇرىلىستى كۇشپەن وزگەرتۋ" (179-باپ) باپتارى بويىنشا كۇدىككە ءىلىنىپ، الماتىداعى ۋاقىتشا ۇستاۋ يزولياتورىنا قامالعانى بەلگىلى بولدى.
ادۆوكات بورانباي 179-باپ بويىنشا تاعىلعان ايىپ قولدان جاسالعان دەپ سانايدى. ەگەر كۇدىكتى وسى باپ بويىنشا كىنالى دەپ تانىلسا، باس بوستاندىعىنان جەتى جىلعا ايىرىلۋى مۇمكىن.
"تەرگەۋ ورگاندارىنىڭ ارەكەتى تاپسىرمامەن جاسالعانى مىناداي كورىنەدى. 2019 جىلدىڭ كوكتەمىندە-اق قوزعالعان ءىس توقتاپ قالىپ، بۇگىن قالپىنا كەلتىرىلەدى دە، مارعۇلاندى بىردەن قامايدى" دەپ جازدى بايداروۆ Facebook-پاراقشاسىندا.
الماتى پوليتسياسىنىڭ ءباسپاسوز دەپارتامەنتى ازاتتىققا بورانبايدىڭ قىلمىستىق كودەكستىڭ اتالمىش ەكى بابى بويىنشا كۇدىكتى سانالىپ وتىرعانىن راستادى.
مارعۇلان بورانباەۆ الەۋمەتتىك جەلىلەردە ۇلتتىق سيپاتتاعى جازبالارىمەن تانىمال بولعان بلوگەر.
Abai.kz
