قىرعىزستان پارلامەنتى - جوگوركۋ كەنەش سايلاۋ قورىتىندىلارى جويىلدى. بۇل تۋرالى 24.kg باسىلىمىنا باس پروكۋروردىڭ مىندەتىن اتقارۋشى المامبەت شىقماماتوۆ حابارلادى. 

ول بۇل وپپوزيتسيانىڭ باستى تالابى ەكەنىن جانە ونىڭ ورىندالعانىن اتاپ ءوتتى. "بىراق ازىرگە ءبىز جاڭا داۋىس بەرۋ كۇنىن بەلگىلەمەيمىز. وعان ۋاقىت جوق", - دەدى المامبەت شىقماماتوۆ.

بۇعان دەيىن رايىمبەك ماترايموۆتى، ەسكەندىر ماترايموۆتى، تىلەك ماترايموۆتى تۇتقىنداۋعا سانكتسيا بەرىلگەنى حابارلانعان بولاتىن. سونىمەن قاتار، سايلاۋ ناۋقانى بارىسىندا اۋقىمدى بۇرمالاۋشىلىقتارعا قاتىسى بار بارلىق ادام قاماۋعا الىناتىنى ايتىلعان.

Abai.kz