«رەسەي بيلىگى ۋكرايناداعى ورىس ءتىلدى ورتا، ورىس ءتىلدى ايماقتار مەملەكەتتى ءبولىپ الۋ جوسپارىن قولدايدى دەپ ۇمىتتەنگەن. بىراق، ولاي بولماي شىقتى». بۇل ۋكريانا پرەزيدەنتى ۆلاديمير زەلەنسكيدىڭ پىكىرى.

زەلەنسكي «Politico Europe» باسىلىمىنا بەرگەن سۇحباتىندا كرەملدىڭ ماقساتى – كسرو-نى قايتا قۇرۋ ەكەنىن ايتىپتى.

«كرەمل كەڭەس وداعىن قايتارعىسى كەلەدى. ءبىز مۇنى جاقسى تۇسىنەمىز. اقپاراتتىق ساياساتتا، مەملەكەتتىك ساياساتتا ەكى «وسال جەر» بار، ءبىرى – ءدىن، ەكىنشىسى - ءتىل. بۇل نارسەلەر قوعامدى نە بىرىكتىرەدى، نە بولەدى. رەسەيدىڭ وسىنداي ساياساتى بار»، - دەدى زەلەنسكي.

ول ۋكراينانىڭ دەموكراتيالىق، ليبەرالدى، ۋنيتارلى مەملەكەت ەكەنىن جانە ۋكراينادا جالعىز عانا مەملەكەتتىك ءتىل بارىن، ول – ۋكراين ءتىلى ەكەنىن ايتىپتى.

«كوپشىلىگى ورىسشا سويلەيتىن دنەپر مەن دنەپروپەتروۆسك وبلىستارىندا جۇرت رەسەي ساياساتىنا قوسىلىپ، قاقتىعىستاردى ۋشىقتىرىپ، ۋكراينادان ءبولىنىپ كەتەتىن سياقتى كورىندى. بۇل مەنىڭ تۋعان جەرىم. ول جەردە ۋكراينانىڭ ۇلى پاتريوتتارى تۇرادى. بىراق، ءىس جۇزىندە كرەملدىڭ دەگەنى بولماي شىقتى. كسرو قايتا ورنامايدى! ۋكراينا ءوز تاۋەلسىزدىگىن ەشتەڭەگە ايىرباستامايدى!»، - دەدى ۋكراينا پرەزيدەنتى.

Abai.kz