جۇما, 29 ناۋرىز 2024
46 - ءسوز 6474 21 پىكىر 9 قازان, 2020 ساعات 16:41

مارعۇلانعا قارسى قولدان ۇيىمداستىرىلعان قىلمىستىق ءىس

ءار نارسەنىڭ باسىن شالامىن دەپ، ماسەلەنىڭ ەڭ ماڭىزدىسى تاسادا قالىپ بارادى ەكەن. قازاقستانداعى باستى ماسەلە نە؟ ول – قازاق ماسەلەسى. قازاقستان دەگەن ەلدە قازاق بولىپ ءومىر ءسۇرۋ، اسقار سۇلەيمەنوۆشە ايتقاندا، قيىن ءارى قىزىق قوي!

مىنە سونداي “قىزىقتىڭ” ءبىرى ۇلتشىل ازامات مارعۇلان بورانبايعا قارسى قولدان ۇيىمداستىرىلعان قىلمىستىق ءىس. قولدان ۇيىمداستىرعان دەپ ايتىپ قالدىم، ەندى بۇل ءىستى كىم قالاي ۇيىمداستىرعانىنا قىسقاشا تۇردە توقتالا كەتەيىن.

مەندەگى اقپاراتقا سايكەس ءۇش ادام ءبىزدىڭ الماتى پوليتسياسىنا ارىز جازادى، ارىز جازباستان بۇرىن مارعۇلاننىڭ وسى كەزگە دەيىن جازعان، ايتقان، سويلەگەندەرىن جيناپ فيلولوگيالىق-پسيحولوگيالىق ساراپتاما وتكىزىپ العانعا ۇقسايدى (بۇل جەرىن ناقتىلايتىن بولامىن). ءۇش ادام ءۇش ۇلتتىڭ وكىلى ەكەن، ولار: كوممۋنيست-قازاق الجان يسماگۋلوۆ، ورىس، قازىرگى پرەزيدەنت اكىمشىلىگىنىڭ بەلدى قىزمەتكەرى ارۋجان ساينعا تيەسىلى “دوم” قورىنىڭ زاڭگەرى يۋري يۋرين، كارىس ۆلاديمير كيم.

ناعىز ينتەرناتسيونال! ۆاديم بورەيكو اتاپ وتكەندەي “وگولتەلىي نەگودياي”، ۇلتشىل مارعۇلانعا قارسى، ينتەرناتسيوناليزمدى تۋ ەتكەن ەل پاتريوتتارى ءبىر اۋىزدان قارسى شىعۋدا! براۆو!

تۋرا ءبىر سسسر زامانى كوزدەرىڭە ەلەستەپ كەتكەن جوق پا؟!

بىزدەگى ۇلت ماسەلەسىنىڭ جەتكەن جەرى وسى بولدى! مۇحتار ماعاۋيندى وقىعاندار ءۇشىن تاڭقالاتىن تۇگى جوق، ويتكەنى سسسر-ءدىڭ اتى وزگەرگەنمەن، زاتى وزگەرە قويمادى. بىراق، سوندا دا سوعىپ… وتە بەرەم دە..

مىسالى، ءدال وسىنداي جاعدايدى ءوزىمىز كەلەكە قىلاتىن تۇركىمەن، وزبەك، ءازىربايجاندا كوزدەرىڭە ەلەستەتە الاسىزدار ما؟ ازيا بارىسىمىز دەپ قويامىز تاعى دا. نەمەسە رەسەيدى الىپ قارايىق، باسقا ۇلت وكىلدەرىنە، سونىڭ ىشىندە قازاققا قاتىستى اۋىزدارىنان اق يت كىرىپ، كوك يت شىعىپ جاتاتىن كوزى تىرىدە جيرينوۆسكي، ولىدە ليمونوۆتارعا رف ۇكىمەتى ءىس قوزعاۋى مۇمكىن بە؟ ولسەدە قوزعامايدى! ويتكەنى ونداي ۆاكەڭ ايتقان “وگولتەلىي نەگوديايلاردى” وزدەرىنە، ءوز ساياساتتارىنا شەبەر قولدانادى!
مارعۇلان ولار قۇساپ اۋزىنا نە كەلسە، سونى ايتپايدى، ول ناقتى ماسەلەنى ساۋاتتى، ءارى باتىل كوتەرەدى! مارعۇلاننىڭ ۇلتشىلمىز دەپ جۇرگەن سىزبەن بىزدەن باستى ايىرماشىلىعى سول، ول ۇلتتىق ماسەلەنى ورىس تىلىندە كوتەرەدى! ول ارينە، قازاقشا باسقا، ورىسشا ءبىر باسقا سويلەيتىن ءبىزدىڭ ورىسقۇل بيلىككە ۇنامايدى! ماسەلە وسىندا!

مارعۇلاننىڭ ساۋاتتىلىعى تۋرالى از-كەم بىلەتىنىم، وسى كۇنگى ءوزىن ينتەلليگەنتسيا، ەليتا دەپ ەسەپتەيتىن باسشىسىماقتارىمىز ماسكەۋدە وقىعاندارىن ايتىپ ماقتانسا، مارعۇلان باسقاسى-باسقا ورتا مەكتەپتىڭ ءوزىن سول قالادا وقىعان ازامات! سول جەردە ءوزىن جوعالتپاي، كەرىسىنشە ۇلتتىق ساناسىن قالىپتاستىرعان ازامات! مىنە، وسى ازاماتىمىزدى بيلىك كوزىمىزدى باقىرايتىپ قويىپ، قازاق ماسەلەسىن كوتەرگەنى ءۇشىن سوتتاماقشى!

(جالعاسى بار…)

ابزال قۇسپاننىڭ الەۋمەتتىك جەلىدەگى پاراقشاسىنان

Abai.kz

21 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610