قازاقستان «اق جول» دەموكراتيالىق پارتياسىنىڭ ورتالىق كەڭەسى پرەزيديۋمىنىڭ ءماسليحاتتار مەن ءماجىلىس دەپۋتاتتارىنىڭ پارتيالىق تىزىمدەر بويىنشا سايلاۋىن تاعايىنداۋ تۋرالى ەل پرەزيدەنتىنىڭ جارلىعىنا قاتىستى مالىمدەمەسى

2020 جىلعى 21 قازاندا قازاقستان رەسپۋبليكاسىنىڭ پرەزيدەنتى ق.ك توقاەۆ ءماسليحاتتار مەن ءماجىلىس دەپۋتاتتارىنىڭ سايلاۋىن تاعايىنداۋ تۋرالى جارلىققا قول قويعانى بەلگىلى.

«اق جول»  دەموكراتيالىق پارتياسى بۇل شەشىمدى قۇپتايدى جانە قولدايدى.

«اق جول» قدپ ءماسليحاتتار مەن ءماجىلىس دەپۋتاتتارىن سايلاۋ كونستيتۋتسيالىق مەرزىمدە وتەتىنىن، ساياسي پارتيالاردان كانديداتتاردىڭ پارتيالىق تىزىمدەرى بويىنشا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ زاڭىنا ەنگىزىلگەن جاڭا تۇزەتۋلەرگە سايكەس تىزىمدەرگە  ايەلدەر مەن جاستاردى ەنگىزۋ جونىندەگى كۆوتانىڭ 30%-ىن ساقتاي وتىرىپ قالىپتاستىرىلاتىنىن  اتاپ وتەدى.

ءماسليحاتتار مەن پارلامەنت ماجىلىسىنە سايلاۋدى ءبىر مەزگىلدە  وتكىزۋ مەملەكەتتىڭ ۇيىمداستىرۋشىلىق جانە قارجىلىق رەسۋرستارىن وڭتايلاندىرۋعا مۇمكىندىك بەرەدى، بۇل قازىرگى ەكونوميكالىق احۋال جاعدايىندا  ماڭىزدى.

«اق جول» دەموكراتيالىق پارتياسى قازاقستانداعى جەتەكشى ساياسي ۇيىمداردىڭ ءبىرى رەتىندە اتالعان سايلاۋعا ءوزىنىڭ قاتىساتىنىن مالىمدەيدى.

ءبىز قۇرىلعان ساتتەن باستاپ بارلىق پارلامەنتتىك سايلاۋعا قاتىسىپ كەلەمىز. 2004 جىلى «اق جول»  قدپ پارتيالىق ءتىزىمى بويىنشا 12% داۋىس جينادى، ال 2012 جىلدان باستاپ قر پارلامەنتى ماجىلىسىندە تۇراقتى تۇردە  پارلامەنتتىك فراكتسيانى قۇرايدى.

«اق جول»  دەموكراتيالىق پارتياسى  الداعى ۋاقىتتا دا قازاقستاننىڭ ۇلتتىق مۇددەلەرىنە، پارلامەنتتىك ينستيتۋتتاردى ەنگىزۋگە، نارىقتىق ەكونوميكانى دامىتۋعا جانە سىبايلاس جەمقورلىققا قارسى كۇرەستى جۇرگىزۋگە قىزمەت ەتەتىن بولادى.

ءبىز سونداي-اق پاندەميانىڭ جاڭا تولقىنى مەن وزگە دە سىرتقى سىن-تەگەۋرىندەردىڭ ساقتالىپ وتىرعان قاۋىپىنە بايلانىستى، بۇگىنگى كەزەڭنىڭ كۇردەلىلىگىن اتاپ وتەمىز. سايلاۋ ورگاندارىن، باسقا پارتيالارداعى ارىپتەستەرىمىزدى  جانە سايلاۋشىلاردى سايلاۋ الدىنداعى ءىس-شارالاردى وتكىزۋ كەزىندە بارلىق قاجەتتى قاۋىپسىزدىك شارالارىن ساقتاۋعا، سونداي-اق ادال جانە اشىق سايلاۋ وتكىزۋگە شاقىرامىز.

Abai.kz