ء"بىزدى ءارى قارايعى ءىس-ارەكەتىمىز – بۇل حالىقتىڭ قۇقىعى ءۇشىن سوڭىنا دەيىن كۇرەسۋ", – دەپ مالىمدەدى فەيسبۋك پاراقشاسى ارقىلى جۇرگىزگەن تىكەلەي ەفيرى كەزىندە. پاشينيان ەلدىڭ بارلىق اكىمدەرىن قولىنا قارۋ الۋعا دايىن ەرىكتى جاساعىن قۇرۋدى تاپسىردى.

ازەربايجان پرەزيدەنتىنىڭ كومەكشىسى حيكمەت گادجيەۆ پاشينياننىڭ بۇل سوزدەرى جانجالدى بەيبىت جولمەن شەشكىسى كەلمەيتىنىن بىلدىرەدى دەدى.

ارمەنيا پرەزيدەنتى ارمەن ساركيسيان رەسمي ساپارمەن بريۋسسەلگە باردى. ول جاقتا ناتو جانە ەۋرووداق وكىلدەرىمەن كەزدەسەدى. ال ازەربايجان جانە ماسكەۋ سىرتقى ىستەر مينيسترلەرى ماسكەۋگە باردى. ولار وندا جەكە-جەكە رەسەي سىرتقى ىستەر ءمينيسترى سەرگەي لاۆروۆپەن كەزدەستى.

الەم ليدەرلەرى ەكى ەلدى سوعىستى توقتاتۋعا شاقىرىپ جاتىر. بىراق باكۋ مەن ەرەۆان 21 قازاندا سوققى بەرۋدى جالعاستىراتىنىن حابارلادى.

قىركۇيەك ايىنىڭ سوڭىنان بەرى ءوزىن ءوزى جاريالاعان تاۋلى قاراباقتا 800 سارباز قايتىس بولعان. ازەربايجان ازىرگە اسكەر شىعىنىن جاريالاماي وتىر.

Conflict Intelligence Team زەرتتەۋ توبى ازەربايجان جاقتا سيريالىق جالدانبالى ادامدار سوعىسىپ جاتقانىن حابارلادى. باكۋ مەن انكارا مۇنى تەرىسكە شىعارىپ كەلەدى.

ارمەنيا مەن ازەربايجان اراسىنداعى تاۋلى قاراباق داۋى سوۆەت وداعى كەزىنەن جالعاسىپ كەلەدى. 1988 جىلى باستالىپ، 1994 جىلى اياقتالعان سوعىس كەزىندە 30 مىڭعا جۋىق ادام قازا تاپتى، جۇزدەگەن مىڭ ادام بوسقىنعا اينالدى. نەگىزىنەن ارمياندار تۇراتىن ايماق 1991 جىلى ازەربايجاننان ءبولىنىپ شىعاتىنىن مالىمدەدى، بىراق الەمنىڭ ەشقانداي ەلى ونى مويىندامادى. حالىقارالىق قۇقىققا سايكەس، تاۋلى قاراباق – ازەربايجان جەرى.