اقش پرەزيدەنتى دونالد ترامپ "بورات" فيلمىندەگى قازاقستاندىق رەپورتەر بورات ساعديەۆتىڭ رولىمەن تانىمال بريتانيالىق كومەديا اكتەرى ساشا بارون كوەندى سىنعا الدى.

امەريكا باسشىسى شامامەن 15 جىل بۇرىن ازىلكەش ونى الداۋعا تىرىسقانىن ەسكە سالدى، بىراق ول سول كەزدە شوۋدا قۇيتىرقى ارەكەتتىڭ بولارىن سەزگەن جالعىز كەيىپكەر ەدى، وسىلايشا ترامپ تۇسىرىلىمنەن باس تارتقان. Associated Press حابارلاۋىنشا، 2003 جىلى ترامپ كوەن جۇرگىزگەن "شوۋ الي دجي" ساتيرالىق باعدارلاماسىنا بارعان، بىراق ول ءبىر مينۋتتان سوڭ اكتەرمەن سۇحباتتان باس تارتىپ، كەتىپ قالعان.

"بۇل جاساندى جىگىت. مەن ونى كۇلكىلى دەپ سانامايمىن", - دەپ اق ءۇي باسشىسى ونىڭ جەكسۇرىن ادام ەكەنىن ايتتى.

بۇعان جاۋاپ رەتىندە اكتەر پرەزيدەنتكە جاڭا ءفيلمدى تەگىن جارنامالاپ بەرگەنى ءۇشىن العىسىن ايتتى.

"شىنىمدى ايتايىن، مەن دە سەنى كۇلكىلى دەپ سانامايمىن. بىراق تا بۇكىل الەم ساعان كۇلەدى. مەن ءاردايىم ءناسىلشىل سايقىمازاقتاردى ويناۋ ءۇشىن ادامدار ىزدەپ جۇرەمىن، ال ساعان 20 قاڭتاردان كەيىن جۇمىس قاجەت بولادى", - دەپ جازدى ول Twitter-دە.

ايتا كەتەيىك، "بورات 2" ءفيلمىنىڭ پرەمەراسى 23 قازاندا Amazon Prime-دا ءوتتى. بورات - بريتانيالىق كۇلدىرگىنىڭ ەڭ تانىمال التەر-ەگوسى. بۇل امەريكا قۇراما شتاتتارىنا كەلگەن قازاقستاندىق جۋرناليست.

دەرەككوز: tengrinews.kz

Abai.kz