جۇما, 29 ناۋرىز 2024
2940 1 پىكىر 29 قازان, 2020 ساعات 12:24

المازبەك اتامباەۆتى كولونياعا اۋىستىردى

قىرعىزستاننىڭ 11 جىلعا سوتتالعان بۇرىنعى پرەزيدەنتى المازبەك اتامباەۆتى №47 تۇزەۋ كولونياسىنا اۋىستىردى. بۇعان دەيىن ونى ۇقمك تەرگەۋ يزولياتورىنان ءبىرىنشى تەرگەۋ يزولياتورىنا جەتكىزگەن.

قىلمىس الەمىنىڭ دوكەيى باتۋكاەۆتىڭ تۇرمەدەن زاڭسىز بوساتىلۋىنا بايلانىستى ءىس بويىنشا سوتتالعان اتامباەۆ سوتتىڭ اشىق ءوتۋىن تالاپ ەتىپ وتىر. ەكس-پرەزيدەنتكە بىشكەك جەتس-ءىن جوندەۋدەگى جەمقورلىق پەن قوي-تاشتاعى وقيعاعا قاتىستى ىستەر بويىنشا ايىپ تاعىلعان.

اتامباەۆتى تەرگەۋ يزولياتورىنىنان №47 تۇزەۋ كولونياسىنا اۋىستىرۋ تۋرالى شەشىمدى مەملەكەتتىك جازانى اتقارۋ قىزمەتىنىڭ ارنايى كوميسسياسى 27 قازاندا قابىلداعان.

ادۆوكات زامير جووشەۆتىڭ حابارلاۋىنشا، ەكس-پرەزيدەنتتىڭ دەنساۋلىعى ناشارلاعان. "ۇقمك المازبەك اتامباەۆتى ۇيقاماققا اۋىستىرۋ تۋرالى ءوتىنىشتى ورىندامادى. ونىڭ دەنساۋلىعى ناشارلاپ بارا جاتقان سوڭ، ءبىز اتامباەۆتى №47 كولونياعا اۋىستىرۋىن سۇراۋعا ءماجبۇر بولدىق", - دەدى ادۆوكات.

المازبەك اتامباەۆتىڭ تەرگەۋ اباقتىسىندا اشتىق جاريالاعانىن ازاپتاۋدى بولدىرماۋ جونىندەگى ۇلتتىق ورتالىعى راستادى. ۇيىم جەتەكشىسى باقىت رىسبەكوۆتىڭ ايتۋىنشا، اتامباەۆ تاماقتان باس تارتقان. ء"بىز كەلگەندە، ول قان قىسىمىن ءوزى تەكسەرىپ وتىردى. ويتكەنى ول مەكەمە دارىگەرلەرىنە سەنبەيدى. ول سوتتىڭ اشىق ءوتۋىن تالاپ ەتەدى", - دەدى رىسبەكوۆ.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604