پاندەمياعا قاراماستان قازاقستان ەلدى مەكەندەرىن ينتەرنەتپەن قامتۋ جۇمىستارى جالعاسۋدا. بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتىپ بەردى.

«حالىقتى تولعاندىراتىن ەڭ باستى ماسەلە – ساپالى ينتەرنەتكە قولجەتىمدىلىكتى ۇلعايتۋ بولىپ وتىر. ەلىمىزدەگى 18,7 ملن حالقىمىز 6500-گە جۋىق ەلدى مەكەندە تۇرادى. سولاردىڭ ىشىنەن 4 751 ەلدى مەكەندە ءتۇرلى تەحنولوگيالار بويىنشا (3G, 4G, وپتيكا-تالشىق جانە ت.ب.) جالپى ينتەرنەت بار دەۋگە بولادى. وسىلايشا ەلىمىزدەگى 17,5 ملن حالىق ينتەرنەتپەن قامتىلعان»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، ينتەرنەت ساپاسىن ۇلعايتۋ ماقساتىندا ەكى اۋقىمدى جوبا ىسكە اسىرىلادى.

«ءبىرىنشى جوبا «اۋىلعا وپتيكا تارتۋ» دەپ اتالادى. وسى جوبا اياسىندا 1257 اۋىلعا وپتيكالىق جەلىلەر تارتۋ كوزدەلگەن جانە 75 ملرد تەڭگە سوماسىندا وپەراتورلاردان ينۆەستيتسيا تارتىلعان. بيىل پاندەمياعا قاراماستان 944 اۋىلعا وپتيكا جەلىلەرىن تارتامىز. ازىرگە 835 ەلدى مەكەنگە وپتيكا جەلىلەرى جەتكىزىلگەن، 3500 مەملەكەتتىك نىسانعا – مەكتەپتەر، اۋرۋحانالار، اكىمدىكتەرگە ينتەرنەت تارتىلعان. بىراق ينتەرنەت تە سۋ مەن گاز تارتقانداي بولادى. مىسالى، اۋىلعا جالپى سۋ كەلسە، ونى اۋىل ىشىندە تاراتۋ باسقا ماسەلە. سول سەكىلدى وپتيكانى دا اۋىلعا جەتكىزدىك، ال اۋىل ىشىندەگى ۇيلەرگە ينتەرنەت جەتكىزۋ ماسەلەسى باسقا جوبا اياسىندا شەشىلەدى. وسى جوبا اياسىندا Sharing كەلىسىمشارتىنا قول قويدى. ول دەگەنىمىز بارلىق ءۇش موبيلدىك وپەراتور ءۇش قۇرىلعى ورناتپاي، ءبىر قۇرىلعى ارقىلى قىزمەت كورسەتە الادى»، - دەدى ب. مۋسين.

Abai.kz