سەنبى, 5 جەلتوقسان 2020
COVID-19 قازاقستاندا. جۇقتىرعاندار — 135498. جازىلعاندار — 119419. قايتىس بولعاندار — 2034
46 - ءسوز 775 1 پىكىر 30 قازان, 2020 ساعات 12:15

مەكتەپ كوپ سالىناتىن مەملەكەتتىڭ بولاشاعى بار

مەكتەپ كوپ سالىناتىن مەملەكەتتىڭ بولاشاعى بار. ويتكەنى مەكتەپ از سالىناتىن ەلدە، تۇرمە كوپ بولادى دەگەن ءپالساپا بار. ول دۇرىس تا شىعار. ويتكەنى مەكتەپ ول ءبىلىم، تاربيە، بالالاردىڭ الەۋمەتتەنۋ ورتاسى، ءارىپ تانيتىن مەكەنى، جالپى بىلايشا ايتقاندا ومىرگە دايىندالاتىن ورداسى. مەكتەپتىڭ كوپ بولعانى جاقسى.

قازاقستاندا ءۇش اۋىسىممەن وقۋ ماسەلەسى وسىدان ون جىل بۇرىن وتكىر ماسەلەنىڭ ءبىرى ەدى. سەبەبى مەكتەپ تاپشىلىعى بولدى، ال بار مەكتەپتەردىڭ ساپاسى سىن كوتەرمەدى. توبەسىنەن سۋ اعىپ، تەرەزەسىنەن جەل ۇرلەپ تۇراتىن ءبىلىم وردالارى كوپ بولدى. قازىر ول ايتارلىقتاي ازايدى. 2017 جىلى قازاقستاننىڭ ءبىراز ءوڭىرىن ارالاپ شىقتىق. بالالارعا ارنالاعان جوبانى ىسكە اسىرىسۋعا اتسالىسقان ەدىم. سوندا قانشا اۋىلعا باردىق، ەلىمىزدىڭ سولتۇستىگى، وڭتۇستىك، شىعىس پەن ورتالىقتى ارالادىق. تەك باتىسقا بارمادىم. سوندا بارعان اۋىلدارىمىزدىڭ كوپشىلىگىندە جاڭا مەكتەپتەردى كوردىم. ءتىپتى حالقى از اۋىلداردا دا مەكتەپتەر سالىنىپتى. ول قۋانتارلىق دەپ وي ءتۇيدىم. ارينە ونداعى ءبىلىم ساپاسى، ينتەرنەت جىلدامدىعى مەن وقۋلىقتىڭ جەتكىلىكتىلىگى، ءىشىنىڭ تەحنيكالىق جابدىقتالۋىنا قاتىستى وي بىلدىرە المايمىن. ويتكەنى ونى ناقتى كورۋگە مۇمكىندىك بولمادى. دەگەنمەن مەكتەپتىڭ كوپ بولعانى جاقسى.

2007 جىلى «100 مەكتەپ، 100 ارۋحانا» اتتى باعدارلاما قابىلدانعان بولاتىن. باعدارلاما ناتيجەسىندە جاڭا مەكتەپتەر سالىندى. ولدا جاڭا مەكتەپتەردىڭ سانىنىڭ ارتۋىنا ءوز سەپتىگىن تيگىزدى.

1991 جىلدان بەرى ەلىمىزدە ءبىراز مەكتەپ سالىنىپتى. 2019 جىلعى كورسەتكىشكە سەنسەك ولاردىڭ سانى 1.5 مىڭنان اسادى دەسەدى. بۇل سۋپەر ەمەس، بىراق جاقسى كورسەتكىش. مىڭداعان مەكتەپ جوندەۋدەن وتكىزىلدى، مىڭداعانى سالىندى. كەلەر جىلى تاۋەلسىزدىكتىڭ 30 جىلدىعى، سول ۋاقىتتا ەلىمىزدەگى بارلىق مەكتەپتەرتەر جوعارى ساپالى بولسا دەگەن تىلەك بار. مەكتەپكە كوڭىل بولمەگەن ەلدىڭ بولاشاعى بۇلىڭعىر. ءسىز تۇراتىن وڭىردە مەكتەپ عيماراتى قانداي ساپادا؟

اسحات قاسەنعاليدىڭ جازباسى

Abai.kz

1 پىكىر