بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى تەرگەۋ ءجۇرىپ جاتىر. بۇل تۋراىل قارجى مينيسترلىگى قارجى مونيتورينگى كوميتەتىنىڭ ەكونوميكالىق تەرگەۋ قىزمەتى رەسمي حابارلادى.

- قازاقستان رەسپۋبليكاسىنىڭ قارجى مينيسترلىگى قارجى مونيتورينگى كوميتەتىنىڭ ەكونوميكالىق تەرگەۋ قىزمەتى بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى اسا ءىرى كولەمدە بيۋدجەت قاراجاتىن ىسىراپ ەتۋ فاكتىسى بويىنشا قىلمىستىق ءىستى تەرگەپ جاتىر.

سوت بىرتانوۆقا قاتىستى قاماۋدا ۇستاۋ بۇلتارتپاۋ شاراسىن سانتسيالاندى. تەرگەۋ مۇددەسىنە بايلانىستى قوسىمشا اقپارات جاريالانبايدى، - دەلىنگەن كوميتەتتىڭ حابارلاماسىندا.

ايتا كەتەيىك، ءبىرتانوۆتىڭ قاماۋعا الىنعانى جايلى اقپارات وتكەن اپتانىڭ سوڭىندا تاراعان. الەۋمەتتىك جەلىدە پايدا بولعان اقپارات ەندى رەسمي راستالىپ وتىر.

ەلجان ءبىرتانوۆ دەنساۋلىق ساقتاۋ مينيسترلىگىن بيىل 25 قاڭتاردان 25 ماۋسىمعا دەيىن باسقاردى.

Abai.kz