قىتاي الەمدە ءبىرىنشى بولىپ 6G تەحنولوگياسىنىڭ سپۋتنيگىن ۇشىردى. بۇل تۋرالى نightech.fm سايتى مالىمدەدى.

قۇرىلعى سولتۇستىك شانسي پروۆينتسياسىندا ورنالاسقان تايۋان عارىش ايلاعىنان Long March-6 زىمىران تاسىعىشىمەن جۇزەگە اسىرىلعان.

6G جەر سەرىگى وربيتاعا ءساتتى شىعارىلعان ءۇش قىتايلىق جەرسەرىكتىڭ قاتارىندا. ول جەردى قاشىقتىقتان زوندتاۋعا ارنالعان، ال، قۇرىلعىنى ارگەنتينالىق Satellogic كومپانياسى جاساعان.سپۋتنيكتىڭ موديفيكاتسياسىنا Chengdu Guoxing Aerospace Technology, UESTC جانە Beijing MinoSpace Technology قاتىستى.

ول 6G تەحنولوگياسىن عارىشتا سىناۋ ءۇشىن قولدانىلادى، ويتكەنى 6G وتكىزۋ قابىلەتى تەراگەرتستىك جيىلىككە دەيىن كەڭەيەدى.

اتالعان تەحنولوگيا 5G-گە قاراعاندا 100 ەسە جىلدامىراق بولادى دەپ كۇتىلۋدە.بۇل از قۋات شىعىنى بار قالاارالىق بايلانىستى قامتاماسىز ەتەدى.

سونداي-اق، جەر سەرىگىندە وسىمدىك اپاتتارىن باقىلاۋ، ورمان ءورتىنىڭ الدىن-الۋ، ورمان ينسپەكتسياسى، سۋدىڭ ساقتالۋى مەن تاۋلارداعى سۋ تاسقىنىن باقىلاۋ جانە كەڭ سپۋتنيكتىك سۋرەتتەر مەن مالىمەتتەر الۋ ءۇشىن قاشىقتىقتان زوندتاۋدىڭ وپتيكالىق جۇيەسى ورناتىلعان.

China Daily-ءدىڭ حابارلاۋىنشا، 6G تەحنولوگياسى ءالى دە دامي تۇسپەك. قازىر عالىمدار ونىڭ ىرگەلى زەرتتەۋلەردە، جابدىقتاردى جوبالاۋدا جانە قورشاعان ورتاعا اسەر ەتۋدە بىرنەشە تەحنيكالىق كەدەرگىلەرىن جوندەۋى كەرەك. سوندا عانا تەحنولوگيا نارىققا قول جەتىمدى بولادى.

Abai.kz