ەل استاناسىنىڭ ورتالىعىنداعى ەركىندىك الاڭىنا جينالعان مىڭداعان ادام پاشينياننىڭ تاۋلى قاراباقتاعى سوعىستى توقتاتۋ بويىنشا ءۇش تاراپتى كەلىسىمگە قول قويعانىن ايىپتاپ، ونىڭ قىزمەتتەن كەتۋىن، پارلامەنتتىڭ شۇعىل جينالىس وتكىزۋىن تالاپ ەتتى.
پاشينيان بەيبىت كەلىسىم — جاعدايدان شىعۋدىڭ ەڭ دۇرىس جولى بولعانىن، بولماسا ازەربايجان تاۋلى قاراباقتى تولىعىمەن يەلەنىپ الماقشى بولعانىن جەتكىزدى.
اكتسيا كەزىندە پوليتسيامەن قاقتىعىس بولىپ، بىرنەشە دەمونسترانت قاماۋعا الىندى.
10 قاراشادا ارمەنيا، ازەربايجان جانە رەسەي تاۋلى قاراباقتاعى سوعىس ارەكەتتەرىن توقتاتۋ تۋرالى كەلىسىمگە قول قويعاننان كەيىن، ەرەۆاندا جاپپاي نارىزىلىق اكتسياسى باستالىپ، ونىڭ قاتىسۋشىلارى ۇكىمەتتىڭ جانە پارلامەنتتىڭ عيماراتتارىنا باسىپ كىرگەن.
ءۇش تاراپتى كەلىسىمگە سايكەس، ازەربايجان سوڭعى جانجال كەزىندە ءوز يەلىگىنە العان تاۋلى قاراباقتاعى جانە ونىڭ اينالاسىنداعى جەرلەردى ساقتاپ قالادى.
بەيبىت كەلىسىمگە ازەربايجاننىڭ قارۋلى كۇشتەرى التى اپتادان بەرى جالعاسىپ كەلە جاتقان جانجالدا تاريحي جەرلەرىن قايتارىپ العانىن جاريالاعان تۇستا قول قويىلعان.
Abai.kz
