قوستاناي. 18 مامىر. قازتاگ – قوستاناي اۋدانى ۋدارنيك كەنتىندە 15 مامىردا جوعالعان ءبىر جارىم جانە ءۇش جاسار سابيلەردى تابۋ ءۇشىن قوستاناي وبلىسىنىڭ پوليتسيالارى مەن تج قىزمەتىنە ءبىر تاۋلىكتەي ۋاقىت قاجەت بولدى. 
وبلىستىق ءىىد-ءتى حابارلاعانداي، سابيلەردىڭ جوعالعانى تۋرالى ارىز پوليتسياعا ءۇش جاسار قىزدىڭ اناسىنان تۇسكەن. ءبىر جارىم جاسار ءمادينا اپاسى ەكەۋى ناۋرىزىم اۋدانىنان قوناققا كەلگەن. ارىزدا كورسەتىلگەندەي، سابيلەر كەشكى سەگىزدەر شاماسىندا اۋلاعا شىققان ال، سودان كەيىن ولاردى ەشكىم كورمەگەن.
وقيعا ورنىنا جەدەل تەرگەۋ توبى جەتكەن. پوليتسەيلەر شۇعىل تۇردە ءىزشىل يتتەرمەن ىزدەستىرۋگە كىرىسكەن. ىزدەستىرۋگە اسكەري بولىمشە جاۋىنگەرلەرى مەن تج كۇشتەرى تارتىلعان.
ىزدەستىرۋلەر 16 مامىرعا دەيىن جالعاسىپ، ساعات 14-تەر شاماسىندا سابيلەر اۋىلدان بىرنەشە كيلومەتر جەردەگى ايدالىپ تاستالعان ەگىستىكتە ۇيىقتاپ جاتقان جەردە تابىلعان.
سابيلەردى تاپقان كەزدە ولار ارىقتىڭ ىشىندە بەي-جاي ۇيىقتاپ جاتقان. بۇل تۋرالى قوستاناي وبلىسىنىڭ ءىىد ءتىل ساياساتى مەن اقپارات باسقارماسىنان حابارلادى.
ءمان-جايدى انىقتاۋ بارىسىندا سابيلەردىڭ ويناپ كەتكەنى بەلگىلى بولىعان. ولار جۇرۋدەن شارشاعان كەزدە ۇيىقتاۋعا جاتىپتى.
تابىلعان سابيلەردى دەرەۋ دارىگەرلەر زەرتتەگەن. ولاردىڭ ايتۋىنشا، سابيلەردىڭ جاعدايى ورتاشا. وكپەسى قابىنۋى مۇمكىن. قازىر ولار قوستاناي قالاسىنىڭ ينفەكتسيالىق اۋرۋحاناسىندا تەكسەرىلۋدە.

قوستاناي. 18 مامىر. قازتاگ – قوستاناي اۋدانى ۋدارنيك كەنتىندە 15 مامىردا جوعالعان ءبىر جارىم جانە ءۇش جاسار سابيلەردى تابۋ ءۇشىن قوستاناي وبلىسىنىڭ پوليتسيالارى مەن تج قىزمەتىنە ءبىر تاۋلىكتەي ۋاقىت قاجەت بولدى. 
وبلىستىق ءىىد-ءتى حابارلاعانداي، سابيلەردىڭ جوعالعانى تۋرالى ارىز پوليتسياعا ءۇش جاسار قىزدىڭ اناسىنان تۇسكەن. ءبىر جارىم جاسار ءمادينا اپاسى ەكەۋى ناۋرىزىم اۋدانىنان قوناققا كەلگەن. ارىزدا كورسەتىلگەندەي، سابيلەر كەشكى سەگىزدەر شاماسىندا اۋلاعا شىققان ال، سودان كەيىن ولاردى ەشكىم كورمەگەن.
وقيعا ورنىنا جەدەل تەرگەۋ توبى جەتكەن. پوليتسەيلەر شۇعىل تۇردە ءىزشىل يتتەرمەن ىزدەستىرۋگە كىرىسكەن. ىزدەستىرۋگە اسكەري بولىمشە جاۋىنگەرلەرى مەن تج كۇشتەرى تارتىلعان.
ىزدەستىرۋلەر 16 مامىرعا دەيىن جالعاسىپ، ساعات 14-تەر شاماسىندا سابيلەر اۋىلدان بىرنەشە كيلومەتر جەردەگى ايدالىپ تاستالعان ەگىستىكتە ۇيىقتاپ جاتقان جەردە تابىلعان.
سابيلەردى تاپقان كەزدە ولار ارىقتىڭ ىشىندە بەي-جاي ۇيىقتاپ جاتقان. بۇل تۋرالى قوستاناي وبلىسىنىڭ ءىىد ءتىل ساياساتى مەن اقپارات باسقارماسىنان حابارلادى.
ءمان-جايدى انىقتاۋ بارىسىندا سابيلەردىڭ ويناپ كەتكەنى بەلگىلى بولىعان. ولار جۇرۋدەن شارشاعان كەزدە ۇيىقتاۋعا جاتىپتى.
تابىلعان سابيلەردى دەرەۋ دارىگەرلەر زەرتتەگەن. ولاردىڭ ايتۋىنشا، سابيلەردىڭ جاعدايى ورتاشا. وكپەسى قابىنۋى مۇمكىن. قازىر ولار قوستاناي قالاسىنىڭ ينفەكتسيالىق اۋرۋحاناسىندا تەكسەرىلۋدە.
ىزدەستىرۋگە پوليتسيانىڭ مىڭنان استام قىزمەتكەرلەرى تارتىلعان. سابيلەردىڭ اتا-انالارى ىزدەستىرۋگە قاتىسقانداردىڭ بارلىعىنا العىسىن ءبىلدىرىپ جاتىر. ءۇش جاسار ءسابيدىڭ اناسى ايگۇل حالىقوۆا: «مەن وتە قاتتى قوبالجىدىم، بىراق سابيلەردى ىزدەستىرۋگە قانداي كۇش جۇمسالىپ جاتقانىنا قاراپ، ءبارى دە ويداعىداي بولاتىنىنا سەندىم. بارلىعىنا راحمەت، مەنىڭ العىسىم شەكسىز»، دەدى.