بەيسەنبى, 28 ناۋرىز 2024
3166 4 پىكىر 18 قاراشا, 2020 ساعات 13:59

داۋلەتكەرەي كاپۇلى قانداستارىمىزدىڭ پروبلەمالارىن اتادى

قازاقستان جازۋشىلار وداعى نۇر-سۇلتان قالالىق فيليالىنىڭ توراعاسى داۋلەتكەرەي كاپۇلى شەتەلدەن تاريحي وتانىنا كوشىپ كەلگەن قانداستارىمىز تاپ بولىپ وتىرعان كەيبىر ماسەلەگە توقتالدى.

«اۋىل» حالىقتىق-دەموكراتيالىق پاتريوتتىق پارتياسىنىڭ سايلاۋالدى تۇعىرناماسىندا «قانداسىم - قامالىم» دەيتىن تاماشا، قىلدان نازىك، جىپتەن جىڭىشكە تۇس بار. بۇل تۇس وسى شەتەلدەن كوشىپ كەلىپ جاتقان قانداس باۋىرلارىمىزعا قاتىستى. ايتەۋىر، پرەزيدەنتتىڭ جارلىعىمەن «قانداس» دەپ بەكىتىپ الدىق. سول قانداستاردىڭ شارۋاسىمەن «اۋىل» پارتياسى اينالىسىپ جاتسا قۇبا-قۇپ»، - دەدى ول «اۋىل» حالىقتىق-دەموكراتيالىق پاتريوتتىق پارتياسىنىڭ كەزەكتەن تىس XVIII سەزىندە.

وسى رەتتە داۋلەتكەرەي كاپۇلى شەتەلدەن تاريحي وتانىنا كوشىپ كەلگەن قانداستارىمىز تاپ بولىپ وتىرعان كەيبىر ماسەلەگە توقتالدى.

«بۇل - قۇجات ماسەلەسى. قازاقستانعا كوشىپ كەلگەننەن كەيىن ءوزىنىڭ قازاق ەكەنىن دالەلدەۋ ءۇشىن قۇجات الدىرۋ دەيتىن سوراقى دۇنيە بار. بۇل مىسالى اۋعانستان قازاقتارىنىڭ، تۇركيا قازاقتارىنىڭ ۇلكەن پروبلەماسىنا اينالعان. ال قىتايدان كوشىپ كەلىپ جاتقان قازاقتاردىڭ سوتتالماعان دەيتىن قۇجاتىن ازاماتتار «ويبايلاپ، ايعايلاپ» ءجۇرىپ الدىرىپ تاستادى. ياعني، كوشىپ كەلگەن قازاقتاردىڭ باسىنداعى باستى پروبلەما - ەڭ ءبىرىنشى ازاماتتىققا نە بولماسا ىقتيار حات الۋعا توم-توم قاعاز جيناۋ»، - دەدى نۇر-سۇلتان قالالىق فيليالىنىڭ توراعاسى.

سونىمەن قاتار ول قانداستارىمىزعا سالىنعان ۇيلەردىڭ ساپاسى سىن كوتەرمەيتىندىگىن دە باسا ايتتى.

«وسكەمەننىڭ قاسىندا «نۇرلى بەسىك» دەيتىن اۋىل سالىندى. قانشاما باۋىرىم، قۇدا-جەكجاتتارىم، تامىر-تانىستارىم تۇرادى. سوعان بارىپ كوردىم. قىستىگۇنى ادام تۇرعىسىز. ءدال سول جاعداي سولتۇستىك قازاقستاننىڭ ىرگەسىندەگى «بايتەرەك» اۋىلىندا دا قايتالانادى. نە بولماسا كوكشەتاۋدىڭ قاسىنداعى «كراسنىي يارداعى» ۇيلەردىڭ بارلىعى پەنوپلاستان سالىنعان. بۇل بيلىكتىڭ كىناسى ەمەس. ونى ورتاداعى جەمقورلاردىڭ جاساپ وتىرعان دۇنيەسى ەكەندىگىن ايتپاسقا بولمايدى. سوندىقتان «اۋىل» پارتياسى وسىنداي تۇيتكىلدى ماسەلەلەردى بيىك مىنبەردەن ايتا الاتىنداي كۇندەر بولىپ جاتسا، مەن سىزدەردىڭ ورتالارىڭىزدا بارمىن»، - دەدى داۋلەتكەرەي كاپۇلى.

تۇپنۇسقا: قازاقپارات

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3523