23-26 قاراشا ارالىعىندا IX ازاماتتىق فورۋم اياسىندا مينيسترلىك باسشىلارىنىڭ ۇكىمەتتىك ەمەس ۇيىمدار وكىلدەرىمەن 12 سالالىق ونلاين-كەزدەسۋ وتكىزۋ جوسپارلانۋدا.

قوعامدىق ۇيىمداردىڭ باسشىلارىمەن دەنساۋلىق ساقتاۋ ءمينيسترى ا.تسوي، ەڭبەك جانە حالىقتى الەۋمەتتىك قورعاۋ ءمينيسترى ب.نۇرىمبەتوۆ، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى ب.مۋسين، ساۋدا جانە ينتەگراتسيا ءمينيسترى ب.سۇلتانوۆ، ادىلەت ءمينيسترى م. بەكەتاەۆ، اۋىل شارۋاشىلىعى ءمينيسترى س.وماروۆ، ەكولوگيا، گەولوگيا جانە تابيعي رەسۋرستار ءمينيسترى م.مىرزاعاليەۆ، توتەنشە جاعدايلار ءمينيسترى يۋ.يلين، مەملەكەتتىك قىزمەت ىستەرى اگەنتتىگىنىڭ توراعاسى ا.جايىلعانوۆا، ىشكى ىستەر ءمينيسترىنىڭ ورىنباسارى ا.زاپپاروۆ، قارجى ءبىرىنشى ۆيتسە-ءمينيسترى ب.شولپانقۇلوۆ، سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.بەكتەنوۆ كەزدەسەدى.

ۇيىمداستىرۋشىلاردىڭ ايتۋىنشا، كەزدەسۋلەردى وتكىزۋدىڭ ماقساتى ورتالىق مەملەكەتتىك ورگاندار باسشىلارىنىڭ ۇكىمەتتىك ەمەس سەكتور وكىلدەرىمەن اشىق ديالوگى بولىپ تابىلادى.

«فورۋم اياسىندا ۇەۇ-مەن كەزدەسۋلەر وتكىزۋ مەملەكەتتىك ورگاندار قىزمەتىنىڭ ترانسپارەنتتىلىگىن جانە مەملەكەت ىسكە اسىراتىن باعدارلامالار مەن باستامالار تۋرالى جۇرتشىلىقتىڭ حاباردار بولۋىن ارتتىرۋعا ىقپال ەتەدى. ۇەۇ-مەن ءوزارا ءىس-قيمىل مەملەكەتتىك ورگاندارعا جەدەل ارەكەت ەتۋگە جانە حالىقتىڭ وزەكتى ماسەلەلەرىن شەشۋگە مۇمكىندىك بەرەدى»،- دەپ حابارلادى قر اقدم ازاماتتىق قوعام ىستەرى كوميتەتىنىڭ توراعاسى ماديار قوجاحمەتوۆ.

كەزدەسۋلەر بارىسىندا مەملەكەت پەن ازاماتتىق قوعامنىڭ دەنساۋلىق ساقتاۋ، قورشاعان ورتانى قورعاۋ، باس بوستاندىعىنان ايىرۋ ورىندارىنان بوساتىلعان جانە پروباتسيا قىزمەتىندە ەسەپتە تۇرعان ادامدارعا الەۋمەتتىك-قۇقىقتىق كومەك كورسەتۋ سالاسىنداعى ءوزارا ءىس-قيمىلى، سىبايلاس جەمقورلىققا قارسى ءىس-قيمىل جونىندەگى ءتيىستى ۇسىنىمدار مەن بىرلەسكەن ءىس-قيمىلدار جوسپارلارىن ازىرلەۋ، الەۋمەتتىك قامسىزداندىرۋ كودەكسىن ازىرلەۋ جونىندەگى تاسىلدەردى قاراۋ جانە ت.ب. ماسەلەلەردى تالقىلاۋ جوسپارلانۋدا.

مينيسترلەرمەن كەزدەسۋ ءۇشىن رەسپۋبليكالىق جانە وڭىرلىك ۇەۇ، باق، ساراپتامالىق قوعامداستىقتاردىڭ، «ادالدىق الاڭى» جوبالىق وفيستەرىنىڭ وكىلدەرى، ارنايى مونيتورينگتىك توپتار شاقىرىلادى.

كەزدەسۋلەر Facebook https://www.facebook.com/ngogovkz. Youtube: azamattyqforum, Instagram: https://instagram.com/azamattyqqogam.komitet  الەۋمەتتىك جەلىلەرىندە ونلاين رەجيمىندە كورسەتىلەتىن بولادى.

فورۋم باعدارلاماسى جانە قاتىسۋشىلاردى تىركەۋ سايتتا قول جەتىمدى www.azamattyqforum.kz.

Abai.kz