قازىر قازاقستاندا 22 مىڭنان استام شەتەلدىك كومپانيا جۇمىس ىستەيدى. بۇل تۋرالى Qazaqstan.tv مالىمدەدى.

FinReview.info ساراپشىلارى قازاقستانداعى 30 ءىرى شەتەلدىك سالىق تولەۋشى كومپانيانى اتادى.

2020 جىلدىڭ 1 قاراشاداعى مالىمەتىنە سايكەس، ەلىمىزدە 22,1 مىڭ شەتەلدىك كومپانيا جۇمىس ىستەيدى. وتكەن جىلمەن سالىستىرساق، ولاردىڭ سانى 11,2%-عا ارتقان. ال كومپانيالاردىڭ 21,5 مىڭى، ياعني 97,4% شاعىن كاسىپورىن نىسانىندا تىركەلگەن.

شەتەلدىك كومپانيالار كوبىنە كوتەرمە جانە بولشەك ساۋدا سالاسىندا قىزمەت ەتىپ جاتىر - مۇندا 8,7 مىڭ كاسىپورىن جۇمىس ىستەيدى. قۇرىلىس سالاسى ەكىنشى ورىندا - 2,3 مىڭ كومپانيا، ال كاسىبي، عىلىمي جانە تەحنيكالىق قىزمەت سالاسىندا 1,7 مىڭ كومپانيا جۇمىس ىستەيدى.

30 ءىرى شەتەلدىك سالىق تولەۋشىلەر ىشىندە تولەمدەردىڭ 37%-ىن «تەڭىزشەۆرويل» بىرلەسكەن كاسىپورىندارى قۇيعان. بۇل كومپانيانىڭ 50% اكتسياسى «شەۆرونعا»، 25% اكتسياسى «ExxonMobil» كومپانياسىنا، 20% اكتسياسى «قازمۇنايگازعا» جانە 5% اكتسياسى «LukArco« كومپانياسىنا تيەسىلى.

بيىلعى 9 ايدا «تەڭىزشەۆرويل» 832,1 ملرد تەڭگە سالىق تولەگەن.

ەكىنشى ورىندا «قاراشىعاناق پەترولەۋم وپەرەيتينگ ب.ۆ.» بىرىككەن كومپانيالار كونسورتسيۋمى - جىل باسىنان بەرى مەملەكەت قازىناسىنا 398,5 ملرد تەڭگە قۇيعان.

سونداي-اق ۇزدىك ۇشتىك قاتارىندا «قازتسينك» جشس بار - 109,3 ملرد تەڭگە سالىق تولەگەن.

قازاقستانداعى توپ-30 ءىرى شەتەلدىك سالىق تولەۋشىلەر:

Abai.kz