جۇما, 29 ناۋرىز 2024
2101 3 پىكىر 4 جەلتوقسان, 2020 ساعات 16:16

وسك ADAL پارتياسىنىڭ ءتىزىمىن تىركەدى

بۇگىن قر ورتالىق سايلاۋ كوميسسياسىنىڭ وتىرىسىندا ءماجىلىس دەپۋتاتتارىنىڭ كەزەكتى سايلاۋىنا «ADAL» پارتياسىنىڭ پارتيالىق ءتىزىمىن تىركەۋ تۋرالى قاۋلى قابىلداندى.

قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 89-بابىنا سايكەس، تىركەۋگە ءبىر ساياسي پارتيادان وعان ساياسي پارتيالار اراسىندا بولىنەتىن دەپۋتاتتىق مانداتتاردىڭ بەلگىلەنگەن سانىنىڭ 30 پايىزىنان اسپايتىن ادامدار سانى ەنگىزىلگەن ءبىر عانا ءتىزىم جىبەرىلەدى. پارتيالىق تىزىمدە ايەلدەر مەن 29 جاسقا تولماعان ادامداردىڭ سانى وعان ەنگىزىلگەن ادامداردىڭ جالپى سانىنىڭ كەمىندە 30 پايىزىن قۇراۋعا ءتيىس»، - دەدى قر وسك مۇشەسى اسىلبەك سماعۇلوۆ.

ونىڭ ايتۋىنشا، «ADAL» پارتياسىنىڭ پارتيالىق تىزىمىندە 16 ادام بار، وعان بەس ايەل جانە 29 جاسقا تولماعان ازاماتتار ەنگىزىلگەن. ياعني بۇل تىزىمگە ەنگىزىلگەندەردىڭ جالپى سانىنىڭ 31,2 پايىزىن قۇرايدى. ورتالىق سايلاۋ كوميسسياسى ۋاكىلەتتى ورگاندارمەن بىرلەسىپ، ءماجىلىس دەپۋتاتى بولىپ سايلانۋ ءۇشىن پارتيالىق تىزىمگە ەنگىزىلگەن ادامداردىڭ كونستيتۋتسيا مەن «سايلاۋ تۋرالى» كونستيتۋتسيالىق زاڭنىڭ تالاپتارىنا سايكەستىگىنە تەكسەرۋ جۇرگىزدى.

پارتيالىق تىزىمگە ەنگىزىلگەن بارلىق ادامدار كونستيتۋتسيانىڭ جانە «سايلاۋ تۋرالى» كونستيتۋتسيالىق زاڭنىڭ تالاپتارىنا سايكەس كەلەدى»، - دەدى ول.

وسىعان بايلانىستى ورتالىق سايلاۋ كوميسسياسىنىڭ مۇشەلەرى «2021 جىلعى 10 قاڭتارعا تاعايىندالعان قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىنا «ADAL» پارتياسىنىڭ پارتيالىق ءتىزىمىن تىركەۋ تۋرالى» قاۋلى قابىلدادى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600