Cپورت نۇسقاۋشىلارىنا جان-جاقتى قولداۋ قاجەت
بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن وتكەن جالپى وتىرىستا دەپۋتاتتار دەنە شىنىقتىرۋ جانە سپورت ماسەلەلەرىنە قاتىستى زاڭ جوباسىن ماقۇلدادى.
نۇرلان نىعماتۋلين وسى زاڭ جوباسىنىڭ ماڭىزدىلىعىن العا تارتا كەلە:
- وسى بۇقارالىق سپورتتى دامىتۋ - ءبىزدىڭ بولاشاعىمىز ءۇشىن، ونىڭ ىشىندە، جاستارىمىز ءۇشىن وتە ماڭىزدى. سەبەبى، بۇگىنگى وسى ەلىمىزدىڭ ابىرويىن كوتەرىپ جۇرگەن وليمپيادا جانە الەم چەمپيوندارى بۇقارالىق سپورتتان شىقتى. اسىرەسە، بوكس پەن كۇرەس چەمپيوندارى اۋىلدان شىققانىن بىلەمىز. سوندىقتان، سپورت نۇسقاۋشىلارىنىڭ جالاقىسىن كوتەرۋ، ولاردىڭ جۇمىستارىن ۇيىمداستىرۋ سپورت مينيسترلىگىنىڭ باستى مىندەتتەرىنىڭ ءبىرى بولۋ كەرەك، - دەدى.
ەنگىزىلگەن جاڭا نورمالار بۇقارالىق سپورتتى دامىتىپ، دەنە شىنىقتىرۋ جانە سپورت سالاسىندا كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى.
زاڭ جوبادا ءجۇرىپ-تۇرۋى شەكتەۋلى ادامداردىڭ دەنە شىنىقتىرۋمەن اينالىسۋعا مۇمكىندىك بەرەتىن نورمالار دا قاراستىرىلعان.
سونداي-اق، دارىگەرلىك-دەنە شىنىقتىرۋ ديسپانسەرلەرىن قۇرۋ، ءبىلىم بەرۋ باعدارلامالارىنا ۇلتتىق سپورت تۇرلەرى بويىنشا مىندەتتى شارتتى ەنگىزۋ ۇسىنىلادى. بۇل نورمالار دەنە شىنىقتىرۋ جانە سپورت سالاسىندا كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى.
Abai.kz
