بۇل دينارا، نازىم جانە زاۋرە ەسىمدى ءۇش قۇربى جايىنداعى سيتكوم. ولاردىڭ وقيعاسى بالا كەزدەن باستالادى. اۋلاداعى بالالار ولاردى «DiNaZaur»  دەپ مازاقتايدى. ءۇش قۇربى مۇنى توقتاتۋعا شەشىم قابىلداپ، بۇزاقىلاردى جازالايدى. سودان كەيىن ءبىر-ءبىرىن رەنجىتپەۋگە سەرت بەرەدى. ۋاقىت وتە كەلە قىزداردىڭ دوستىعى نىعايا تۇسەدى.

دينارا – تۇرمىستاعى كەلىنشەك، ءۇش بالاسى بار. كۇندەلىكتى كۇيبەڭ تىرشىلىك پەن ءۇي شارۋاسىنان وزىنە كوڭىل بولەتىن ۋاقىتى جوق. ومىرىندەگى قيىندىقتارعا قاراماستان، ول ءوز ومىرىنە شاعىمدانبايدى، كەرىسىنشە باقىتتى. ويتكەنى ومىردەگى ەڭ قىمبات دۇنيە وتباسى دەپ تۇسىنەدى.

نازىم – ۇلى بار جالعىسباستى انا. ەرلەر قاۋىمىنا كوڭىلى قالعان. رەستوراتور قىزمەتىن اتقارادى.

زاۋرەنىڭ - ارمانى بار، ول  – «اق بوز اتتى حانزادا» كەزدەستىرگىسى كەلەدى. جولىندا ءتۇرلى جىگىتتەر جولىعادى، بىراق ەشقايسىسى كوڭىلىنەن شىقپايدى. قۇربىلارى بۇل ماسەلەنى ءوز قولىنا الىپ، كومەكتەسۋگە شەشىم قابىلدايدى.

جانارگۇل جانىامانوۆا، اكتريسا:

• بالا-شاعامەن ۇيدە وتىرعان، كۇندەلىكتى ءۇيدىڭ شارۋاسىنان شارشاعان ايەلدىڭ وبرازىن سومدايمىن. كۇيەۋى تاڭەرتەڭنەن كەشكە دەيىن جۇمىستا. كۇيەۋىنىڭ نازارىن اۋدارۋ ءۇشىن نەشە ءتۇرلى قىلىقتى ويلاپ تابادى. ءۇش بالامەن وتىرۋى مەنىڭ ومىرىمە ۇقساس. بىراق باسقا سەريالداعى رولدەرىمە ەش ۇقسامايدى. سول ءۇشىن دە ماعان قىزىق بولدى. قانداي سىن، قانداي پىكىر ايتىلادى ەكەن دەپ كۇتىپ ءجۇرمىن. ءتىپتى، قوبالجىپ ءجۇرمىن دەسەم بولادى.

اجارلىم ماعزۇم، اكتريسا:

• ماعان مەنىڭ كەيىپكەرىمىنىڭ ەركىندىگى جاقىن. رۋحى مىقتى، قيىنشىلىقتان قورىقپايتىن جانە تىك مىنەزدىلىگى دە بار. مەن بۇل ءرولدى جەڭىل الىپ شىقتىم. ويتكەنى ماعان ۇقساس وبراز.

ۇلبولسىن شالقاروۆا، اكتريسا:

• تەلەحيكايادا زاۋرە ەسىمدى ارۋدى وينايمىن. مەنىڭ كەيىپكەرىم، وتە اشىق، تەزىرەك تۇرمىس قۇرعىسى كەلەدى. ءوز جولىندا ول ءتۇرلى جىگىتتەردى كەزدەستىرەدى، الايدا بارلىعىنان كوڭىلى قالادى. تۋىندى وتە قىزىقتى شىققان دەپ ويلايمىن.

دينارا كۇيەۋى تۋرالى بارلىق شىندىقتى بىلە مە؟  نازىم كۇيەۋىنە ورالىپ، تولىققاندى وتباسىن قايتا قۇرا الا ما؟ ايەلدەر دوستىعى قانشالىقتى مىقتى؟ «DiNaZaur» تەلەحيكاياسى ناقتى ومىرگە نەگىزدەلگەن قارىم-قاتىناس، وتباسىلىق قۇندىلىق، تاربيە جانە شىنايى ايەلدەر دوستىعى تۋرالى اڭگىمەلەيدى.

«DiNaZaur» تۇساۋكەسەرى 14 جەلتوقساندا ساعات 20:40 «الماتى» تەلەارناسىندا!

Abai.kz