نۇرلان نىعماتۋلين «Nur Otan» پارتياسىنىڭ سايلاۋالدى ۇگىت ناۋقانى اياسىندا قاراعاندى وبلىسىنداعى مەديتسينا جانە ءبىلىم بەرۋ سالالارىنىڭ وكىلدەرىمەن كەزدەستى.

وبلىستىق كارديوحيرۋرگيا ورتالىعىندا، سونداي-اق قاراعاندى قالاسىنىڭ №103 مەكتەپ-ليتسەيىندەگى كەزدەسۋلەردە پارتيانىڭ سايلاۋالدى باعدارلاماسىنىڭ الەۋمەتتىك باعىتتارىنا باسا نازار اۋدارىلدى.

نۇرلان نىعماتۋلين اتاپ وتكەندەي، ەلباسى، پارتيا كوشباسشىسى نۇرسۇلتان نازارباەۆ باستاماشى بولعان جانە بۇگىندە مەملەكەت باسشىسى قاسىم-جومارت توقاەۆ ودان ءارى جالعاستىرىپ كەلە جاتقان الەۋمەتتىك جاڭعىرتۋ اياسىندا «Nur Otan» پارتياسى قازاقستاندىقتاردىڭ ساپالى ءبىلىم مەن مەديتسينالىق قىزمەتتەر الۋى ءۇشىن مۇمكىندىكتەر جاساۋدى باستى مىندەتتەردىڭ ءبىرى دەپ سانايدى.

بارلىق زاماناۋي تالاپتارعا وبلىستىق كارديوحيرۋرگيالىق ورتالىق جاۋاپ بەرەدى. ونىڭ وپەراتسيالىق-رەانيماتسيالىق بلوگى يننوۆاتسيالىق قۇرالدارمەن، وندا قىزمەت ەتەتىن مامانداردىڭ بارلىعى جوعارى بىلىكتى، بۇل جەردە جۇرەككە كۇردەلى وپەراتسيالار جاسالادى.

وسىنداي جاڭا مەديتسينالىق ورتالىقتار ءار وڭىردە بولۋى ءۇشىن پارتيا اۋداندىق اۋرۋحانالاردى قاجەتتى مەديتسينالىق جابدىقتارمەن جابدىقتاۋ، سانيتارلىق-ەپيدەميولوگيالىق قىزمەتتى كۇشەيتۋ، زەرتحانالاردى جاڭارتۋ بويىنشا شارالار قابىلدايدى.

ءبىلىم بەرۋدى دامىتۋ ءۇشىن «Nur Otan» 800 جاڭا مەكتەپ سالۋ ەسەبىنەن ساپاسىز وقۋلىقتار، اپاتتى جانە ءۇش اۋىسىمدى مەكتەپتەر پروبلەمالارىن شەشۋگە، بارلىق اۋىل مەكتەپتەرىن جوعارى جىلدامدىقتى ينتەرنەتپەن قامتۋدى قامتاماسىز ەتۋگە نيەتتى.

نۇرلان نىعماتۋلين 2024 جىلعا قاراي پەداگوگتەردىڭ جالاقىسى 2 ەسەگە، ال دارىگەرلەردىڭ جالاقىسىن 2023 جىلعا قاراي 2,5 ەسە ارتاتىنىن ايتتى.

مۇعالىمدەردىڭ ايتۋىنشا، «پەداگوگ مارتەبەسى تۋرالى» زاڭنىڭ ۇستازدار ءۇشىن ماڭىزى وتە زور، اتالعان زاڭ ولاردىڭ قۇقىقتارىن رەتتەپ، ءبىلىم بەرۋ ساپاسىنا، مۇعالىمنىڭ مارتەبەسىن كۇشەيتۋگە ىقپال ەتەدى.

- «Nur Otan» پارتياسىنىڭ سايلاۋ باعدارلاماسى، ول – ناقتى جوسپارى بار جانە ءتيىستى قارجىمەن قامتاماسىز ەتىلگەن باعدارلاما. سونىڭ ىشىندە باسپانا، ءوندىرىستى دامىتۋ، الەۋمەتتىك سالا، شاعىن، ورتا بيزنەستى قولداۋعا ەرەكشە كوڭىل ءبولىندى. بۇل ءاربىر قازاقستاندىق ءۇشىن وتە ماڭىزدى ماسەلە. وسى سۇراقتار تۋرالى بۇگىن كەنشىلەرمەن، دارىگەرلەرمەن جانە مۇعالىمدەرمەن كەزدەسۋدە اشىق اڭگىمە بولدى. «Nur Otan» پارتياسىنىڭ سايلاۋ باعدارلاماسىنىڭ ءدال وسى باعىتتارىنا قاراعاندى وبلىسىنىڭ تۇرعىندارى قولداۋ كورسەتتى، - دەدى نۇرلان نىعماتۋلين.

Abai.kz