سەيسەنبى, 25 اقپان 2020
جاڭالىقتار 1497 0 پىكىر 1 شىلدە, 2009 ساعات 15:12

سامۇرىق-قازىنا» قورىنىڭ توراعاسى قايرات كەلىمبەتوۆ سبەربانكتىڭ تاۋەلسىز ديرەكتورى بولىپ سايلاندى

2009 جىلدىڭ 26 ماۋسىمىندا، ماسكەۋ قالاسىندا رەسەي سبەربانكى اكتسيونەرلەرىنىڭ جالپى جىلدىق جينالىسىندا بانكتىڭ قاداعالاۋ كەڭەسىنىڭ جاڭا قۇرامى سايلاندى. وعان تاۋەلسىز ديرەكتور رەتىندە تۇڭعىش رەت قازاقستاننان وكىل بولىپ، «سامۇرىق-قازىنا» ۇلتتىق ءال-اۋقات قورى» باسقارما توراعاسى قايرات كەلىمبەتوۆ ەندى.
ءوزىنىڭ سايلانۋىنا قاتىستى تۇسىنىكتەمە بەرە كەلە، «سامۇرىق-قازىنا» ۇاق باسقارما توراعاسى قايرات كەلىمبەتوۆ: «سامۇرىق-قازىنا» رەسپۋبليكاداعى بەلدى بانكتەردىڭ ءىرى اكتسيونەرى بولعاندىعى سەبەپتى، وسى جاۋاپكەرشىلىكتى سەزىنە وتىرىپ، ءبىز ەكونوميكالىق داعدارىستىڭ ساباقتارىن دۇرىس ۇعىنۋىمىز قاجەت. ال رەسەي سبەربانكى سەكىلدى الەمدىك ءىرى بانكتىڭ قاداعالاۋ كەڭەسىنە كىرۋ—بۇل قازاقستاندىق قارجىلىق سەكتوردىڭ بولاشاعىنا ساۋاتتى تۇردە جانە ۋاقىتىندا اسەر ەتۋگە كومەكتەسەتىن ۇلكەن تاجىربيە مەن ءبىلىم بولماق. ونىڭ ۇستىنە، مەملەكەت باسشىسى داعدارىستان كەيىنگى دامۋ جولىندا ۇلتتىق قارجىلىق ارحيتەكتۋرانىڭ جاڭا كونتسەپتسياسىن جاساۋدىڭ مىندەتىن العا قويدى» دەدى.

2009 جىلدىڭ 26 ماۋسىمىندا، ماسكەۋ قالاسىندا رەسەي سبەربانكى اكتسيونەرلەرىنىڭ جالپى جىلدىق جينالىسىندا بانكتىڭ قاداعالاۋ كەڭەسىنىڭ جاڭا قۇرامى سايلاندى. وعان تاۋەلسىز ديرەكتور رەتىندە تۇڭعىش رەت قازاقستاننان وكىل بولىپ، «سامۇرىق-قازىنا» ۇلتتىق ءال-اۋقات قورى» باسقارما توراعاسى قايرات كەلىمبەتوۆ ەندى.
ءوزىنىڭ سايلانۋىنا قاتىستى تۇسىنىكتەمە بەرە كەلە، «سامۇرىق-قازىنا» ۇاق باسقارما توراعاسى قايرات كەلىمبەتوۆ: «سامۇرىق-قازىنا» رەسپۋبليكاداعى بەلدى بانكتەردىڭ ءىرى اكتسيونەرى بولعاندىعى سەبەپتى، وسى جاۋاپكەرشىلىكتى سەزىنە وتىرىپ، ءبىز ەكونوميكالىق داعدارىستىڭ ساباقتارىن دۇرىس ۇعىنۋىمىز قاجەت. ال رەسەي سبەربانكى سەكىلدى الەمدىك ءىرى بانكتىڭ قاداعالاۋ كەڭەسىنە كىرۋ—بۇل قازاقستاندىق قارجىلىق سەكتوردىڭ بولاشاعىنا ساۋاتتى تۇردە جانە ۋاقىتىندا اسەر ەتۋگە كومەكتەسەتىن ۇلكەن تاجىربيە مەن ءبىلىم بولماق. ونىڭ ۇستىنە، مەملەكەت باسشىسى داعدارىستان كەيىنگى دامۋ جولىندا ۇلتتىق قارجىلىق ارحيتەكتۋرانىڭ جاڭا كونتسەپتسياسىن جاساۋدىڭ مىندەتىن العا قويدى» دەدى.
سبەربانكتىڭ قاداعالاۋ كەڭەسىندە ءبارىن قوسقاندا 4 تاۋەلسىز ديرەكتور بولادى. وندا قايرات كەلىمبەتوۆتەن باسقا، رەسەي ەكونوميكالىق مەكتەبىنىڭ رەكتورى سەرگەي گۋريەۆ، حالىق شارۋاشىلىعى اكادەمياسىنىڭ رەكتورى ۆلاديمير ماۋ، McKinsey كونسالتينگتىك كومپانياسىنىڭ قۇرمەتتى اعا سەرىكتەسى رادجات كۋمار گۋپتا بار. سوڭعىسى، McKinsey كومپانياسىنىڭ قۇرمەتتى اعا سەرىكتەسى عانا ەمەس، سونىمەن قاتار، بۇۇ باس حاتشىسىنىڭ وسى ۇيىمدى رەفورمالاۋ جونىندەگى ارنايى كەڭەسشىسى، Goldman Sachs ينۆەستيتسيالىق بانكى تاۋەلسىز ديرەكتورى جانە «سكولكوۆو» ماسكەۋ مەكتەبىنىڭ حالىقارالىق قامقورشىلار كەڭەسىنە دە كىرەدى.
كەڭەسكە، سبەربانكتىڭ نەگىزگى اكتسيونەرى بولعان رف ورتالىق بانكى (اكتسياسىنىڭ 60 پايىزى) مەملەكەتتىڭ 11 وكىلى، بانكتىڭ ەكى مەنەدجەرى- باسقارما توراعاسى گەرمان گرەف پەن ونىڭ ورىنباسارى بەللا زلاتكيس تە كىرگەن.
سبەربانك قاداعالاۋ كەڭەسىنىڭ قۇرامىنا كىرگەن مەملەكەت وكىلدەرى رەتىندە تومەندەگى ءتىزىمدى ايتۋعا بولادى: ۆيتس-پرەمەر، رف قارجى ءمينيسترى الەكسەي كۋدرين، رف ەكونوميكالىق دامۋ مينيسترلىگىنىڭ باسشىسى ەلۆيرا نابيۋللينا، رف پرەزيدەنتىنىڭ كومەكشىسى اركادي دۆوركوۆيچ، رف ۇكىمەتى قارجى جانە ەكونوميكالىق دەپارتامەنتىنىڭ ديرەكتورى اندرەي بەلوۋسوۆ، قارجى مينيسترلىگى دەپارتامەنتىنىڭ ديرەكتورى الەكسەي ساۆاتيۋگين.
مۇنان وزگە، سايلانعان كەڭەستەگى مەملەكەت وكىلدەرىنىڭ التاۋى رەسەي بانكىنەن: توراعا سەرگەي يگناتەۆ جانە ونىڭ ءبىرىنشى ورىنباسارلارى الەكسەي ۋليۋكاەۆ پەن گەورگي لۋنتوۆسكي، ەكونوميكالىق جيىنتىق دەپارتامەنتىنىڭ ديرەكتورى نادەجدا يۆانوۆا، باس اۋديتور ۆالەري تكاچەنكو جانە ماسكەۋ ايماقتىق باس باسقارماسىنىڭ باستىعى كونستانتين شور بار.

0 پىكىر