5 قاڭتاردا اقپارات ماسەلەرى جانە قوعامدىق كەڭەستەردىڭ قىزمەتى تۋرالى زاڭدارعا ەنگىزىلگەن جاڭا تولىقتىرۋلار مەن قوعامدىق باقىلاۋ تۋرالى زاڭ جوباسىن ءتۇسىندىرۋ جۇمىستارى بويىنشا اقپارات جانە قوعامدىق دامۋ ءمينيسترى ايدا بالاەۆا جۇمىس ساپارىمەن اتىراۋ وبلىسىنا باردى.

ساپار بارىسىندا مينيستر وبلىس باسشىلىعىمەن، ىشكى ساياسات، جاستار ساياساتى، ءدىن ىستەرى باسقارمالارىنىڭ باسشىلارىمەن، سونداي-اق جەرگىلىكتى بۇقارالىق اقپارات قۇرالدارى، ۇكىمەتتىك ەمەس ۇيىمدار جەتەكشىلەرىمەن، الەۋمەتتىك كاسىپكەرلىكپەن اينالىساتىن قوعامدىق ۇيىمدارمەن جانە ۆولونتەرلەرمەن كەزدەستى.

اتىراۋ وبلىسى جۇرتشىلىعى وكىلدەرىمەن كەزدەسۋ بارىسىندا مينيستر مەملەكەت باسشىسى قول قويعان جاڭا زاڭدار مەملەكەتتىك ورگاندار قىزمەتىنىڭ دە، كۆازيمەملەكەتتىك ۇيىمدار جۇمىسىنىڭ دا اشىقتىعىن ارتتىرۋداعى ماڭىزدى قۇجات ەكەندىگىن اتاپ ءوتتى. «زاڭنامالىق وزگەرىستەر «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋعا ىقپال ەتەدى»، — دەدى ايدا بالاەۆا.
ەسكە سالا كەتەيىك، 2020 جىلعى 30 جەلتوقساندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.
ءمينيستردىڭ ايتۋىنشا، تۇزەتۋلەرگە مەملەكەتتىك اقپاراتتىق تاپسىرىس بەرۋدىڭ جاڭا ەرەجەلەرى ەنگىزىلگەن. ولار رەسپۋبليكالىق جانە ايماقتىق دەڭگەيلەردە جالپى تاقىرىپتىق باعىتتاردى ايقىنداۋدى قاراستىرادى.

سونىمەن قاتار، اعىمداعى جىلدىڭ 3 قاڭتارىندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق كەڭەستەردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. وسى زاڭعا سايكەس اقپارات جانە قوعامدىق دامۋ مينيسترلىگى قوعامدىق كەڭەستەردىڭ قىزمەتىن ۇيلەستىرىپ، ادىستەمەلىك قولداۋ كورسەتەدى.
قازاقستاندا قوعامدىق كەڭەستەر 2015 جىلدان باستاپ جۇمىس ىستەيدى، ال جاڭا تۇزەتۋلەر قوعامدىق كەڭەستەر قۇرۋ مەن ولاردىڭ جۇمىس ىستەۋ تەتىكتەرىن جەتىلدىرۋگە جان-جاقتى مۇمكىندىك بەرەدى.
ءسويتىپ، قازىر قوعامدىق كەڭەستەرگە نقا جوبالارى مەن ۇندەۋلەردى ولاردىڭ قوعامداعى وزەكتىلىككە سايكەس قاراۋ تۋرالى شەشىم قابىلداۋعا وكىلەتتىك بەرىلدى.

وبلىس اكتيۆىمەن كەزدەسۋدە ايدا بالاەۆا ازاماتتىق قوعام ينستيتۋتتارىن مەملەكەتتىڭ شەشىم قابىلداۋ پروتسەستەرىنە تارتۋدىڭ كەلەسى ماقساتتى قادامى «قوعامدىق باقىلاۋ تۋرالى» زاڭ جوباسى بولاتىنىن اتاپ ءوتتى.

«قۇرىلىمدى قالىپتاستىرۋشى زاڭ قوعامدىق باقىلاۋدىڭ جۇيەلەنۋىنە جانە تيىمدىلىگىن ارتتىرۋعا مۇمكىندىك بەرەدى»، - دەدى مينيستر.

وعان قوسا، ايدا بالاەۆا ايماق جۇرتشىلىعى وكىلدەرىنە «پەتيتسيا» ۇعىمىن ەنگىزۋ مەن ونى قاراۋ ءتارتىبىن رەتتەيتىن نورماتيۆتىك-قۇقىقتىق بازا ازىرلەنىپ جاتقانىن ايتتى.

سونىمەن بىرگە، جۇمىس ساپارى بارىسىندا مينيستر اتىراۋ وبلىسى ءدىن ىستەرى باسقارماسىنىڭ "اقپاراتتىق تالداۋ ورتالىعى" كمم، اتىراۋ وبلىسى ىشكى ساياسات باسقارماسىنىڭ «ازاماتتىق ورتالىعى» كمم جانە وبلىستاعى الەۋمەتتىك كاسىپكەرلىكتى دامىتۋ ماسەلەلەرىمەن اينالىساتىن «ءمولدىر كوز» قوعامدىق بىرلەستىگىنىڭ جۇمىسىمەن تانىستى.

Abai.kz