.png)
سونىمەن، بۇگىن قىرعىزستانداعى مەرزىمىنەن بۇرىن وتكەن پرەزيدەنت سايلاۋى جانە باسقارۋ جۇيەسى تۋرالى (پرەزيدەنتتىك نەمەسە پارلامەنتتىك) رەفەرەندۋمعا داۋىس بەرۋ اياقتالدى.
سايلاۋشىلاردىڭ جالپى سانى - 3 563 574 بولعان. ال، ولاردىڭ 1 180 515-ءى ياعني 33,13% داۋىس بەرۋگە كەلگەن. (ۋسك مالىمەتتەرى: 2454 (90,99%) باستاپ 2251 دەيىن)
«جالپى يش» قوعامدىق قورى 500 سايلاۋ ۋچاسكەسىندە سايلاۋ بارىسىن باقىلاپ، 30 زاڭ بۇزۋشىلىقتى انىقتادى.
العاش بولىپ ءوز تاڭداۋىن يۋجنو-ساحالينسك قالاسىندا تۇراتىن قىرعىزستاندىقتار جاسادى. ولار بىشكەك ۋاقىتىمەن ساعات 03.00-دە داۋىس بەرۋدى باستاعان.
ال، ەلدەگى سايلاۋ ۋچاسكەلەرى تاڭعى ساعات سەگىزدەن باستاپ جۇمىس ىستەي باستادى. بارلىعى 2474 سايلاۋ ۋچاسكەلەرى اشىلعان، ولاردىڭ 48-ءى شەتەلدە ورنالاسقان.
ورتالىق سايلاۋ كوميسسياسىنىڭ حابارلاۋىنشا، بۇل سايلاۋعا داۋىس بەرەتىندەردىڭ 3 563 574-ءى قىرعىزستان ازاماتى، ونىڭ 49 479-ى شەتەلدەگى تىزىمدە. جالپى پرەزيدەنتىككە 17 ۇمىتكەر تىركەلگەن.
ولار:
- سادىر جاپاروۆ
- قاناتبەك يساەۆ
- مىقتىبەك ارىستانبەك
- كلارا سوورونكۋلوۆا
- يماميدين تاشوۆ
- ابديل سەگىزباەۆ
- اداحان مادۋماروۆ
- ايمەن قاسەنوۆ
- ۋلۋگبەك كوچكوروۆ
- جەڭىسبەك بايگۋتتيەۆ
- ەلدار اباكيروۆ
- كۋرسان اسانوۆ
- ارىستانبەك ابدىلباەۆ
- راۆشان دجەەنبەكوۆ
- باقتىبەك قالماماتوۆ
- بابىرجان تولباەۆ
- قانىبەك يماناليەۆ
بىشكەك ۋاقىتىمەن ساعات 20:00-دە مەرزىمىنەن بۇرىن ۇيىمداستىرىلعان پرەزيدەنت سايلاۋىنا داۋىس بەرۋ اياقتالدى.
Akipress سايتىنىڭ الدىن-الا مالىمەتى بويىنشا, كانديدات سادىر جاپاروۆ 79,14 پايىز داۋىسپەن الدا كەلەدى. ەكىنشى ورىندا - اداحان مادۋماروۆ (6,69%), ءۇشىنشى ورىندا – بابىرجان تولباەۆ (2,36%).
سونىمەن قاتار، باسقارۋ فورماسىن تاڭداۋ جونىندە رەفەرەندۋمنىڭ دا بولجامدى ناتيجەلەرى جاريالانىپ جاتىر. سوڭعى مالىمەت بويىنشا، پرەزيدەنتتىك باسقارۋ جۇيەسىن سايلاۋشىلاردىڭ 81,08 پايىزى قولداسا، پارلامەنتتىك فورمانى داۋىس بەرۋشىلەردىڭ 10,91 پايىز عانا تاڭداعان. سايلاۋشىلاردىڭ 4,44 پايىزى ەكى نۇسقاعا دا قارسى شىقتى.
ساعات 18:00-دەگى مالىمەت بويىنشا، پرەزيدەنت سايلاۋىندا سايلاۋشىلاردىڭ 33,13 پايىزى داۋىس بەرسە، رەفەرەندۋمعا 33,08 پايىزى قاتىسقان.
Abai.kz
