بەيسەنبى, 4 ناۋرىز 2021
46 - ءسوز 2761 5 پىكىر 10 قاڭتار, 2021 ساعات 19:14

جاپونيا سياقتى ەل بولامىز با؟

جاپونيا سياقتى ەل بولامىز دەپ ارماندا كەتەتىن بولدىق قوي...

1. جاپونيادا ەگىستىككە ارنالعان اۋىلشارۋاشىلىق جەرلەرىنە ەگىستىكتىڭ پىشىنىمەن ۇلتتىق ناقىشتاعى ەگىستىك پوليالارىن سالىپ جاتىر ەكەن. ەگىستىكتىڭ پوليالارىندا ۇلتتىق تاريحي تانىمداعى بارلىق سۋرەتتەر بار. سول ەگىستىك پوليالارىندا قاربىزدى تەكشە سياقتى ەتىپ ءوسىرىپ شىعارۋدى ىسكە اسىرىپ جاتىر.

2. جاپونيا ساعاتىنا 320 كم/ساع جىلدىمدىقپەن جۇرەتىن پويىزداردى ىسكە قوسىپ قويعان. قالاارالىق جۇمىستارعا شىعاتىن جولاۋشىلار ءۇشىن بارىپ كەلۋ ءسوز ەمەس. تەز بارىپ، تەز كەلە سالادى. جاپونيادا مۇنداي پويىزداردىڭ 6 ءتۇرى شىعادى. ولاردىڭ كەيبىرى كروسسوۆكاعا قاتتى ۇقسايدى.

3. جاپونيالىقتار اقتالۋدى بىلمەيدى. ءسىز قاي جەردە بولساڭىز دا، قاي كافەدە نەمەسە رەستوراندا وتىرساڭىز دا، سىزگە تاپسىرىس بەرگەن زات سول قالپىندا جەتەدى. تاپسىرىس بەرگەندە ءوزىڭىز قاتەلەسپەسەڭىز بولدى، جاپونيالىقتار ەشقاشان دا ول جاعىنان قاتەلىك جىبەرمەيدى.

4. جاپونيالىقتار بالالارىنا كوزىن اشقاننان، ەسى كىرگەننەن باستاپ قورشاعان ورتانى قورعاۋدى ۇيرەتەدى. ءاربىر تال مەن وسىمدىككە، جانۋارلارعا قامقورلىق جاساۋدى وقىتادى. جاپونيادا مەكتەپتەردە ەدەن جۋشىلار بولمايدى. سىنىپ بولمەلەرىنە دەيىن وقۋشىلار وزدەرى تاپ-تۇيناقتاي ەتىپ، تازالاپ كەتەدى.

5. جاپونيا الەمدەگى ەڭ جوعارى دەڭگەيدەگى اۆتوماتتاندىرىلعان ەل. بۇل ەلدە 5,5 ميلليونداي مەكەمە اۆتوماتتاندىرىلعان. قازىرگى كەزدە قوناق ۇيلەردىڭ وزىندە روبوتتار قىزمەت كورسەتەدى. روبوتتاردىڭ سوڭعى ۇلگىدەگى ءتۇرى ادامعا قاتتى ۇقسايدى.

7 مىڭ ارالداردان تۇراتىن جاپونيا وسىنداي مادەنيەتتى، وركەنيەتتى، عاجاپ ءارى تاماشا ەل!

وتە باقىتتى ەل دەپ وسى جاپونيانى ايتا الامىن!

بەكبولات قارجاننىڭ جازباسى

Abai.kz

5 پىكىر