15 قاڭتار كۇنى قر پارلامەنتى ءماجىلىسىنىڭ جاڭادان سايلانعان دەپۋتاتتارى انت بەردى. دەپۋتانتتاردىڭ انتىن ءماجىلىس زالىنىڭ پرەزيدومىندا وتىرعان ورتالىق سايلاۋ كوميسسياسىنىڭ توراعاسى بەرىك يماشەۆ قابىلدادى.

"قازاقستان رەسپۋبليكاسىنىڭ پارلامەنتi جانە ونىڭ دەپۋتاتتارىنىڭ مارتەبەسi تۋرالى" كونستيتۋتسيالىق زاڭىنىڭ 24-بابىندا "انت قابىلداۋدى پرەزيدەنت ءوزى ايقىندايتىن تارتىپپەن جۇزەگە اسىرادى" - دەپ جازىلعان. ال، "قازاقستان رەسپۋبليكاسىنىڭ پرەزيدەنتi تۋرالى" كونستيتۋتسيالىق زاڭىنىڭ 9-بابىندا: "4) پارلامەنت دەپۋتاتتارىنىڭ قازاقستان حالقىنا بەرەتiن انتىن قابىلدايدى;" - دەپ، دەپۋتاتتاردىڭ بەرگەن انتىن قابىلداۋدىڭ پرەزيدەنتتىڭ قۇزىرەتىنە بەرىلگەنى ءتىپتى اشىق كورسەتىلگەن.

سوندا، ورتالىق سايلاۋ كوميسسياسىنىڭ توراعاسى بەرىك يماشەۆقا ءماجىلىستىڭ تورىندە وتىرىپ، دەپۋتاتتاردىڭ انتىن قابىلدايتىن مۇنداي قۇقىقتى كىم بەرىپتى؟!!

ەستەرىڭىزدە بولسىن، حالىق سايلاعان زاڭدى پرەزيدەنتتىڭ كونستيتۋتسيا جانە كونستيتۋتسيالىق زاڭدارمەن بەكىتىلگەن قۇقىقتارى مەن قۇزىرەتتەرىنە ەشكىمنىڭ ەشقاشان قول سۇعۋعا قاقىسى جوق!!!

جاڭا سايلانعان دەپۋتاتتار باقىتتان باسى اينالىپ ءجۇرىپ، بۇل زاڭدى بىلمەدى دەلىك. الدى ءۇش، ارتى ەكى كەزەكتەن سايلانىپ وتىرعان ەسكى دەپۋتتار نەگە بۇل زاڭسىزدىققا جول بەرەدى؟! الدە، ولار دا حالىققا كىمنىڭ الدىندا تۇرىپ انت بەرەتىنىن ءالى تۇسىنبەي مە؟!

زاڭ تالابىن زاڭ شىعارۋشى ورگاننىڭ ءوزى ءبىرىنشى بولىپ ساقتاۋى كەرەك قوي! اسىرەسە، قازاقستان رەسپۋبليكاسىنىڭ كونستيتۋتسياسىن!!

سوندىقتان، ءماجىلىستىڭ VII شاقىرىلىم دەپۋتاتتارىنىڭ بەرگەن انتىن زاڭسىز دەپ تانىپ، بۇل سالتتى، زاڭ تالاپتارىن ساقتاي وتىرىپ، قايتا وتكىزۋ كەرەك!

اۋىت مۇقيبەك،

قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى

Abai.kz