جۇما, 29 ناۋرىز 2024
46 - ءسوز 4823 12 پىكىر 21 قاڭتار, 2021 ساعات 12:25

اتتىلار اكتسياسى - سەپاراتيستەرگە سەس!

سوڭعى تاۋلىكتەردە جالاۋ كوتەرىپ اتقا قونعان قالىڭ قولدى ايىپتاعان ءتۇرلى جازبالار كوبەيىپ كەتتى. كوپشىلىگى اۆاسىندا سۋرەتى جوق تيتۋشكىلەر. قازاقتىڭ بار ەكەندىگىن، ءتىرى ەكەندىگىن ءبىلدىرىپ چەلەندج جاساسا نەسى ايىپ؟!

سولتۇستىك جەرلەرىمىزدى قورعاۋدا قالاداعى قازاقتار تىم-تىرس جاتقاندا اۋىلداعى جىگىتتەر اتقا قونسا سول ايىپ پا ەكەن؟! مۇنداي اكتسيا باسقا تۇگىلى ماشينەسىنە گەورگيەۆ لەنتاسىن تاققان ءوزىمىزدىڭ ورەكەڭدەر ءۇشىن دە سەس. ولاردىڭ كوپشىلىگى قۇداي ونىڭ بەتىن اۋلاق قىلسىن، رەسەيلىكتەر قازاق جەرىنە باسىپ كىرسە دەرەۋ "زەلەننىي چەلوۆەچەك" بولايىن دەپ تۇر. اتتىلار اكتسياسى قازاقتىڭ ونداي سەپاراتيزمگە جول بەرە المايتىنىن اڭعارتادى. مىندەتتى تۇردە قارسىلاسۋ قوزعالىسى بولاتىنىن ەسكەرتەدى. ادەتتە ورىستار "گرۋبىي سيلادان" باسقانى مويىندامايدى. سوندىقتان مۇنداي اكتسيالار وتە ورىندى! اسىرەسە، كازاك-ورىستار اسكەري فورما كيىپ كوشەگە شىققان كۇندەرى، مىسالى 9-مامىردا تۋ كوتەرىپ، اتقا مىنگەن قازاقتار كادىمگىدەي الگىلەردىڭ ەسىن جيناتار ەدى.

ال سايلاۋ كۇنى الماتىدا سەگىز ساعات كوشەدە تۇرعاندارعا سوناۋ 330 شم جەردەگى نارىنقولدان اتپەن نەگە جەتىپ كەلمەدىڭ دەۋ اعاتتىق! ءارى ەكەۋى ساياسي تۇرعىدان ەكى بولەك وقيعا. سەگىز ساعات تۇرعاندار بيلىككە نارازىلىعىن ءبىلدىردى. ال اتقا قونعاندار ورەكەڭدەردىڭ سەپاراتيستىك پيعىلدارىنا توسقاۋىل قويدى. ۇلت ءۇشىن ەكەۋى دە ماڭىزدى.

باياعىدا ايگىلى دەموگراف ماقاش ءتاتىموۆ "بىزگە جۇمىسشى بولسا دا، قىلمىسكەر بولسا دا قازاقتىڭ سانى كەرەك، سان بولسا ساپا دا بولادى" دەۋشى ەدى، سول ايتپاقشى، اتپەن شىقسا دا، جاياۋ شىقسا دا، ۇشاقپەن شىقسا دا سولتۇستىك كورشىلەرگە ايبار كورسەتىلگەنى دۇرىس! ءارى مۇنداي نارازىلىق استانا ما، الماتى ما، نيۋ-يورك پە قاي جەردە وتسە دە قازاققا قىمبات!

سوندىقتان قازاقتىڭ ابىرويى ءۇشىن اتقا قونعان جىگىتتەردى قولدايىق! قولداي الماساق، ەڭ بولماسا ولاردى ايىپتاپ تيتۋشكىلەر قۇساپ كەرى پىكىر تۋعىزبايىق!

مارات ءبايدىلداۇلىنىڭ جازباسى

Abai.kz

12 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618