برازيليانىڭ قازاقستان رەسپۋبليكاسىنداعى ەلشىلىگى استانا (نۇر-سۇلتان) قالاسىندا 2006 جىلى اشىلعانىنان ءبارىمىز حاباردارمىز. 2020 جىلدىڭ 3 ناۋرىزىندا، ياعني، پاندەميا كەزىندە قازاقستانعا جاڭا ەلشى بولىپ رۋبەم كوررەا باربوزا تاعايىندالدى. 

ونىڭ Stan.kz اقپارات اگەنتتىگىنە بەرگەن مىنا سۇحباتتى «مەن قازاقپىن» دەگەن جاندى ءىشىن كۇيدىرە ەگىلتە جىلاتادى:

«بىرنەشە اي وقشاۋلانعان سوڭ سەرۋەندەۋگە مۇمكىندىك بولعان جوق، سوندىقتان وسى ۋاقىت ارالىعىندا ورىس ءتىلىن ۇيرەندىم. ونى قازاق مۇعالىمى، وتە ەڭبەكقور، ءوز ىسىنە ادال، تالاپشىل قىزدان ۇيرەنۋدەمىن. ءتىلدى ۇيرەنۋدەگى ىلگەرىلەۋىم وسى كىسىنىڭ ارقاسى».

وسى جولداردى قانىڭ قايناي وتىرىپ، وقىعان شاقتا بىزدە اشىلعان شەتەل ەلشىلىكتەرى تەك كورشى ەلدىڭ مەملەكەت تىلىندە سويلەيتىندىگى قالىپتى قۇبىلىسقا اينالىپ كەتكەندىگىنە كوز جەتكىزەمىز. وعان نە بيلىك، نە ساياسي پارتيالار ەش ءمان بەرمەيتىندىگى، ەشبىر الدىن الۋ شارالارىن قولدانبايتىنى قازاقتىڭ مەملەكەتتىك ساناسىنا سىزات تۇسىرەدى ەكەن. 

بيشىكەشتەر اراسىنداعى «بيىل 30 جىلدىقتى دۇركىرەتىپ تويلايمىز، كەۋدەگە سىلدىراتىپ مەدال تاعامىز»، دەپ الاقتاي شاپقىلايتىندار وسىنداي ماسقارا داستۇرگە تىيىم سالۋدى قاشان ويعا الادى ەكەن؟

بۇل ۇلت تانىنە باسىلعان ماسقارا كۇيە تمد ەلدەرىندە تەك بەلارۋس پەن قازاقستاندا عانا ورىن الىپ وتىر. الاش جەرىنە كەلىپ، ونىڭ ەلىنىڭ ءتىلىن بىلمەيتىن ەلشى قازاق پەن ءوز حالقىن قالاي جاقىنداستىرادى. بۇل ورىس ءتىلدى بيلىكتىڭ قازاققا جاساپ وتىرعان جاۋلىعى دەپ، بارماقتى تىستەلەۋدەن باسقا ەش نارسە ىستەي الماي كەلەمىز...

ءابىل-سەرىك الياكبار

Abai.kz