جۇما, 29 ناۋرىز 2024
جاۋاپ 3567 1 پىكىر 15 اقپان, 2021 ساعات 14:39

ەۋروپارلامەنت «سانكتسياسى» ءھام مينيسترلىكتىڭ جاۋابى

وتكەن اپتانىڭ سوڭىندا باق-تا ەۋروپارلامەنت دەپۋتاتتارىنىڭ قازاقستانداعى ساياسي جاعدايدى قاتاڭ سىناپ، سانكتسيا ەنگىزۋدى ۇسىنعانى حابارلانعان بولاتىن. ولار قازاقستاندا تاۋەلسىز ۇيىمدار مەن ساياسي بەلسەندىلەرگە قىسىم كۇشەيگەنىن ايتىپ، «قازاقستانداعى ادام قۇقىقتارى ماسەلەسىنە قاتىستى» ارنايى رەزوليۋتسيا قابىلداعان.   

وسىعان بايلانىستى قر سىرتقى ىستەر مينيسترلىگى مالىمدەمە جاساپ، سىننىڭ ورىنسىز ەكەنىن ايتتى.

Tengrinews.kz سايتىنىڭ حابارلاۋىنشا، ءسىم رەسمي وكىلى ايبەك سمادياروۆ ەۋروپارلامەنتتىڭ قازاقستان ادام قۇقىقتارىن بۇزدى دەلىنگەن قارارىن بىرجاقتى دەپ اتاعان. ۆەدومستۆو وكىلدەرىنىڭ پىكىرىنشە، قارار ءماتىنى ەلدەگى ناقتى جاعدايدى بۇرمالاپ وتىر.

- وندا قازاقستان رەسپۋبليكاسىنداعى ادام قۇقىقتارىنا قاتىستى احۋالعا بىرجاقتى، وبەكتيۆتى ەمەس سىن-پىكىرلەر بار دەپ ەسەپتەيمىز. ءبىزدىڭ پىكىرىمىزشە، قاراردىڭ ءماتىنى ەلىمىزدەگى ىستەردىڭ ناقتى جاعدايىن بۇرمالايدى جانە بۇل دەسترۋكتيۆ توپتاردىڭ جالعان اقپاراتىن ازىق قىلعان بوتەن نيەتتى ساياساتكەرلەردىڭ باستاماسىمەن جاسالعان.

قازاقستان ادام قۇقىقتارى سالاسىنداعى ءوز مىندەتتەمەلەرىن ماقساتتى جانە ۇدەمەلى تۇردە ىسكە اسىرىپ جاتىر. پرەزيدەنت قاسىم-جومارت توقاەۆ «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس كەڭ اۋقىمدى ساياسي رەفورمالاردى ىسكە قوستى.

ەۋروپالىق وداققا مۇشە مەملەكەتتەر پرەزيدەنت باستاماشىلىق ەتكەن رەفورمالاردى قولدايتىنىن ەسكەرە وتىرساق، ەۋروپارلامەنتتىڭ بۇل قۇجاتى دايىنداۋ كەزىندە پايدالانعان مالىمەتتەردىڭ انىقتىعى كۇمان تۋعىزادى.

سوندىقتان جاڭا قاراردا «ەسكى كەيستەردىڭ» كوپ ءجۇرۋى ءبىزدى تاڭعالدىرمادى، ادەتتە ولار ءبىر قۇجاتتان ەكىنشىسىنە «كوشىپ» جۇرەدى. سونداي-اق، ەۋروپارلامەنتتىڭ بىرقاتار مۇشەسى ەلىمىزدىڭ دامۋىنداعى وزەكتى ۇردىستەرگە قاتىستى وڭ پىكىرگە قاراماستان، ىشكى پارتيالىق ءتارتىپ تاجىريبەسىنە سايكەس وسى قاراردى قابىلداۋعا داۋىس بەرگەنىن تۇسىنەمىز.

وبەكتيۆ ەۋرودەپۋتاتتارعا العىس بىلدىرەمىز، ولاردىڭ ارقاسىندا رەزوليۋتسيادا قازاقستانداعى وبەكتيۆ وزگەرىستەر مويىندالدى. اتاپ ايتقاندا، رەفورمالار جونىندەگى جوعارعى كەڭەستىڭ قۇرىلۋى مەن قازاقستاندىق بيلىكتىڭ رەفورمالاردىڭ جاڭا كەزەڭىن جاريالاۋى، ياعني، قۇقىق قولدانۋ تاجىريبەسى، سوت جۇيەسىن دامىتۋ جانە ادام قۇقىقتارىنىڭ باسىمدىعى ماسەلەلەرى، - دەدى ءسىم رەسمي وكىلى ايبەك سمادياروۆ.

سونداي-اق، قازاقستاندا ءولىم جازاسىن جويۋ، ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتامانى راتيفيكاتسيالاۋ قۇپتالعانى ايتىلدى.

- قازاقستان بيلىگىنىڭ سالىق ورگاندارىنىڭ ايىپپۇلداردى ءوندىرىپ الۋ جانە بىرقاتار ۇەۇ قىزمەتىن شەكتەۋ جونىندەگى شەشىمىن قايتا قاراۋ جانە كۇشىن جويۋ تۋرالى شەشىمى وڭ باعالاندى، بۇل تۋرالى 2021 جىلى 3 اقپاندا جاريالانعان بولاتىن، - دەدى رەسمي وكىل.

ايبەك سمادياروۆ ەۋروپارلامەنتپەن الداعى قارىم-قاتىناستىڭ كەلەشەگى قانداي ەكەنىن ايتتى.

- قازاقستان ەۋروپالىق پارلامەنتپەن جۇمىستى، ونىڭ ىشىندە «قازاقستان رەسپۋبليكاسى – ەۋروپالىق وداق» پارلامەنتارالىق ىنتىماقتاستىق كوميتەتى سياقتى ءوزارا ءىس-قيمىلدىڭ ماڭىزدى قۇرالى ارقىلى جالعاستىرۋعا دايىن. سونىمەن قاتار، ءبىز ءۇشىن ءتيىستى ديالوگتىڭ ادال ءارى ءوزارا سىيلاستىقتا بولۋى وتە ماڭىزدى، - دەدى ول.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3611