سارسەنبى, 21 ءساۋىر 2021
قوعام 13856 22 پىكىر 22 اقپان, 2021 ساعات 13:17

ۆيتسە-مينيستر پارامەن ۇستالدى. مينيستر نە ىستەيدى؟

سىبايلاس جەمقورلىققا قارسى قىزمەتى قر مادەنيەت جانە سپورت ۆيتسە-ءمينيسترى ساكەن مۇسايبەكوۆتى جەمقورلىق قىلمىس جاسادى دەگەن كۇدىكپەن ۇستادى. بۇل تۋرالى ەربول ەدىلوۆ telegram كانالىندا حابارلادى. 

ەدىلوۆتىڭ ايتۋىنشا، ۆيتسە-مينيستر نۇر-سۇلتان-دۋباي باعىتىنداعى رەيستە ۇستالعان.

«كەيبىر اقپارات كوزدەرىنە سايكەس، سىبايلاس جەمقورلىققا قارسى قىزمەت قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى ساكەن مۇسايبەكوۆتى سىبايلاس جەمقورلىق قىلمىس جاسادى دەگەن كۇدىكپەن ۇستادى. ول نۇر-سۇلتان-دۋباي رەيسىندە ۇستالعان. 

باسقا دەرەككوزدەر ونىڭ 19 اقپانداعى بۇيرىققا سايكەس، 2021 جىلدىڭ 22 اقپانىنان 5 ناۋرىزىنا دەيىن رەسمي ەڭبەك دەمالىسىندا ەكەنى ايتادى»،- دەپ جازدى ەدىلوۆ.

ال، KazTAG اگەنتتىگى ونىڭ قازىر الماتىداعى تەرگەۋ ارەكەتتەرىنە قاتىسىپ جاتقانىن جازدى.

مۇسايبەكوۆ 2020 جىلدىڭ مامىر ايىنان باستاپ مادەنيەت جانە سپورت مينيسترلىگى باسشىسىنىڭ ورىنباسارى قىزمەتىن اتقارادى.

ايتا كەتەيىك، 2020 جىلدىڭ ناۋرىز ايىندا مەملەكەتتىك قىزمەتكەر جەمقورلىقپەن ۇستالسا، باسشىسى ءوز ەركىمەن قىزمەتتەن كەتۋى ءتيىس دەگەن زاڭ كۇشىنە ەندى. جاڭا ەرەجەگە ساي قاراماعىنداعى قىزمەتكەرى پارا العان باسشى سوت ۇكىمىنەن سوڭ 10 كۇننىڭ ىشىندە قىزمەتىن بوساتۋى كەرەك.

ەندەشە، مۇسايبەكوۆتىڭ قىلمىسى دالەلدەنسە، قازىرگى مينيستر اقتوتى رايىمقۇلوۆا ءوز ەركىمەن قىزمەتىنەن كەتە مە؟

نۇربيكە بەكسۇلتانقىزى 

Abai.kz

22 پىكىر