بۇگىن حالىقارالىق تۇركى اكادەمياسى مەن نيزامي گانجاۋي اتىنداعى حالىقارالىق ورتالىعىنىڭ بىرلەسىپ ۇيىمداستىرۋىمەن «نيزامي گانجاۋي –  880 جىل: ونىڭ الەمدىك مۇراعا قوسقان ۇلەسى» اتتى بىرلەسكەن حالىقارالىق كونفەرەنتسيا ءوتتى.

ونلاين فورماتتا وتكەن القالى جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، نيزامي گانجاۋي اتىنداعى حالىقارالىق ورتالىقتىڭ تەڭ ءتورايىمى، لاتۆيانىڭ بۇرىڭعى پرەزيدەنتى ۆايرا ۆيكە-فرايبەرگا، نيزامي گانجاۋي اتىنداعى حالىقارالىق ورتالىقتىڭ تەڭ توراعاسى، دۇنيەجۇزىلىك بانكتىڭ بۇرىڭعى ۆيتسە-پرەزيدەنتى يسمايل سەراگەلدين  نيزامي گانجاۋي اتىنداعى حالىقارالىق ورتالىقتىڭ باس حاتشىسى روۆشاد مۋرادوۆ، تۇركى مادەنيەتى جانە ميراسى قورىنىڭ پرەزيدەنتى گۇناي ەفەنديەۆا,تۇركيا پارلامەنتى جانە ەۋروپالىق كەڭەس پارلامەنتتىك اسسامبلەياسىنىڭ مۇشەسى، يسلام ىنتىماقتاستىعى ۇيىمىنىڭ بۇرىڭعى باس حاتشىسى ەكمەلەددين يحسانوگلۋ،  يسەسكو ۇيىمىنىڭ بۇرىنعى ديرەكتورى ابدۋلازيز التۋايدجري، وزبەكستان ۇلتتىق عىلىم اكادەمياسى ادەبيەت، ءتىل جانە فولكلور ينستيتۋتىنىڭ ديرەكتورى نيزاماددين ماحمۋدوۆ، قىرعىز رەسپۋبليكاسىنىڭ ەكس-پرەمەر-ءمينيسترى دجوومارت وتورباەۆ، تۇركيانىڭ  بۇرىڭعى سىرتقى ىستەر ءمينيسترى حيكمەت چەتين، ماۆريكي  رەسپۋبليكاسىنىڭ ەكس-پرەزيدەنتى امينا گۋريب-فاكيم،   ەكۆادور رەسپۋبليكاسىنىڭ ەكس-پرەزيدەنتى روزاليا ارتەاگا سەررانو، نازارباەۆ ۋنيۆەرسيتەتتەرىنىڭ پروفەسسورى يۋلاي شاميلوگلۋ، سونداي-اق  تۇركى ەلدەرىنىڭ بەلگىلى مەملەكەت جانە قوعام قايراتكەرلەرى، تانىمال عالىمدار مەن زيالى قاۋىم وكىلدەرى قاتىستى.

حالىقارالىق كونفەرەنتسيا بارىسىندا «نيزامي جانە ونىڭ مۇراسى»، سونىمەن قاتار «نيزامي جانە 2021 جىلداعى الەم» اتتى ەكى پانەلدىك  وتىرىس بولدى.

جيىننىڭ «نيزامي جانە ونىڭ مۇراسى» اتتى العاشقى پانەلىندە ءسوز سويلەگەن اكادەميا باسشىسى  د. قىدىرالى نيزامي گانجاۋيدىڭ تۇركى الەمىندە الاتىن ورنى تۋرالى بايانداپ، كونفەرەنتسيانىڭ ءساتتى وتۋىنە تىلەكتەستىگىن ءبىلدىردى.

«ءبىز «نيزامي جىلىن» ماڭىزدى وقيعادان باستادىق. وتكەن جىلدىڭ 30 جەلتوقسانىندا نيزامي گانجاۋي حالىقارالىق ورتالىعىمەن ىنتىماقتاستىق تۋرالى مەموراندۋمعا قول قويدىق. بۇل ءبىزدىڭ ورتالىقپەن بۇكىل الەم بويىنشا ۇلى فيلوسوف پەن اقىننىڭ يدەيالارىن ناسيحاتتايتىن العاشقى بىرلەسكەن ءىس-شارامىز. ءبىزدىڭ وسى باعىتتاعى ىنتىماقتاستىعىمىز تابىستى جالعاسادى دەپ ويلايمىن. مەن نيزامي گانجاۋي حالىقارالىق ورتالىعىنا، ونىڭ باسشىلىعىنا جانە بارشا قاتىسۋشىلارعا مازمۇندى باياندامالارى ءۇشىن زور ريزاشىلىعىمدى بىلدىرگىم كەلەدى. بۇگىنگى جوعارى دەڭگەيدەگى ءىس-شارا نيزامي مۇراسىنا جانە ونىڭ تانىلا تۇسۋىنە ىقپال ەتەدى دەپ سەنەمىز»، – دەدى اكادەميا پرەزيدەنتى.

Abai.kz