جۇما, 29 ناۋرىز 2024
قوعام 15781 0 پىكىر 9 ناۋرىز, 2021 ساعات 13:52

ۇلتتىق كەڭەس. مەملەكەت ءۇشىن "سەنىم كاپيتالى" ماڭىزدى

كەز كەلگەن مەملەكەتتىڭ دامۋىنا اسەر ەتەتىن قۇندىلىق ول حالىقتىڭ سەنىمى. سەنىم كاپيتالى تاۋسىلعان جەردە ءوسۋ بولمايدى، ءوشۋ ورىن الادى. سەنىم جوعالعان جانۇيا اجىراسىپ تىناتىنداي، سەنىمى تاۋسىلعان قوعام مەملەكەتتىك ينستيتۋتتاردى قۇلاتىپ تىنادى. دالەل جەتەرلىك. سيريا، ليۆيا، يراك، اۋعانستان، قىرعىزستان. سەنىمىنەن ايىرىلىپ، شاتقاياقتاپ تۇرعان بەلارۋس ەلىن دە وسى ساناقتىڭ قاتارىنا قوسساڭىز بولادى.

مەملەكەت ءۇشىن باستى قاجەتتىلىك ول – سەنىم. مىنە، وسى ماقساتتا دا ۇلتتىق قوعامدىق سەنىم كەڭەسى قۇرىلدى. بيلىك ينستيتۋتتارى قوعامنىڭ ماسەلەسىن قوعام وكىلدەرىنە ايتۋعا مۇمكىندىك بەردى. كەڭەستىڭ باسىندا پرەزيدەنتتىڭ ءوزى تۇر. دەمەك بۇل كەڭەستىڭ قانشالىقتى مەملەكەت ءۇشىن ماڭىزدى ەكەنىن اڭعارتسا كەرەك.

ۇلتتىق قوعامدىق سەنىم كەڭەسى 2019 جىلى شىلدەنىڭ 17 كۇنى قۇرىلدى. كەڭەستىڭ قۇرىلعانى جايلى پرەزيدەنت ارنايى جارلىق شىعارعان بولاتىن. كەڭەستىڭ نەگىزگى مىندەتتەرى: تۇجىرىمدامالاردىڭ، مەملەكەتتىك باعدارلامالاردىڭ جانە نورماتيۆتىك قۇقىقتىق اكتىلەردىڭ جوبالارىنا قوعامدىق ساراپتاما جۇرگىزۋ، جۇرتشىلىقتىڭ جانە ازاماتتىق قوعامنىڭ پىكىرىن ەسكەرە وتىرىپ ماڭىزدى ستراتەگيالىق پروبلەمالاردى قاراۋ، جۇرتشىلىقتىڭ، ساياسي پارتيالاردىڭ، ۇكىمەتتىك ەمەس سەكتوردىڭ جانە مەملەكەتتىك ورگانداردىڭ وكىلدەرى اراسىندا سىندارلى ديالوگتى قامتاماسىز ەتۋ، ءوزىنىڭ قۇزىرەتى شەگىندە قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە قىزمەتتى جۇزەگە اسىرۋ بولىپ تابىلادى. ياعني كەز كەلگەن مەملەكەتتىك ستراتەگيالىق قۇجاتتاردى قاراپ، وندا ۇلت مۇددەسىنە قايشى كەلەتىن تۇستارى بولسا تالقىعا سالۋىنا مۇمكىندىك بار. ونى سەنىم كەڭەسىندەگى ازاماتتار جاساي الادى.  قازىرگى ۋاقىتقا دەيىن سەنىم كەڭەسىنىڭ 5 وتىرىسى ءوتىپ، كەڭەستە كوتەرىلگەن ماسەلەلەر ءوزىنىڭ وڭ شەشىمىن تاۋىپ كەلەدى.

پرەزيدەنت ۇلتتىق قوعامدىق كەڭەس وتىرىسىندا كوپتەگەن ماڭىزدى ماسەلەلەردىڭ وڭ شەشىم تابۋىنا اقپال ەتىپ كەلەدى. ۇلتتىق قوعامدىق كەڭەسكە مۇشە ازاماتتار قوعامداعى بار، بىراق بيلىك مىنبەلەرىندە كوپ ايتىلا بەرمەيتىن ماسەلەلەردى پرەزيدەنت پەن كەڭەس مۇشەلەرى الدىندا ايتىپ، ونىڭ دۇرىس شەشىم تابۋىنا اتسالىسۋدا. وسى ۋاقىتقا دەيىن كەڭەستە قازاقستانداعى شەتەل كومپانيالارىنداعى جۇمىسشىلار اقىسىن تەڭەستىرۋ، بالالار مەن ايەلدەرگە جاسالاتىن زورلىق-زومبىلىق بويىنشا قىلمىسقا قاتىستى زاڭدى كۇشەيتۋ، پەداگوگتار مەن مەديتسينا قىزمەتكەرلەرىنىڭ ءيميدجىن كوتەرۋ، الەۋمەتتىك ماسەلەلەردى رەتتەۋ، ميتينگ مادەنيەتىن قالىپتاستىرۋ مەن وتكىزۋ اياسىن كەڭەيتۋ، پارتيالاردى تىركەۋ ءۇشىن جينالاتىن قول سانىن ازايتۋ، پەداگوگيكالىق ماماندىقتا وقيتىن ستۋدەنتتەردىڭ ستيپەندياسىن كوتەرۋ، جەر ماسەلەسىن وڭتايلى شەشۋ سىندى ماڭىزدى ماسەلەلەر ءوزىنىڭ وڭ شەشىمىن تاپتى.

ۇلتتىق قوعامدىق سەنىم كەڭەسى ودان ارى دا ەل قامىن، مۇقتاجدىعىن قوردالانعان ماسەلەلەرىن وڭ شەشۋ ءۇشىن ءوز جۇمىسىن جالعاستىرا بەرەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593