جۇما, 29 ناۋرىز 2024
بيلىك 4330 6 پىكىر 7 ءساۋىر, 2021 ساعات 13:25

شەتەلدىكتەرگە ا/ش جەرلەرىن ساتۋعا جانە جالعا بەرۋگە تىيىم سالىنادى

بۇگىن پارلامەنت ءماجىلىسىنىڭ جالپى وتىرىسىندا جەر قاتىناستارى ماسەلەلەرىنە قاتىستى زاڭ جوباسى I وقىلىمدا ماقۇلداندى.  

زاڭ جوباسى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ زاڭ شىعارۋ باستاماسى تارتىبىمەن دايىندالدى.

جالپى زاڭ جوباسىندا شەتەلدىكتەرگە اۋىل شارۋاشىلىعى ماقساتىنداعى جەرلەردى جەكە مەنشىك جانە ۋاقىتشا جەر پايدالانۋ قۇقىعىمەن يەلىك ەتۋىنە تىيىم سالۋ كوزدەلگەن.

وسىعان ساي، جالپى وتىرىستا نۇرلان نىعماتۋلين:

- بۇگىنگى ماقۇلدانىپ وتىرعان جەر قاتىناستارى تۋرالى زاڭ جوباسىنىڭ قازاقستان قوعامىندا ماڭىزى  دا، ورنى  دا ەرەكشە. سەبەبى، مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسىمەن ازىرلەنگەن وسى قۇجاتتىڭ ناتيجەسىندە حالقىمىزدىڭ نازارىندا جۇرگەن سۇراق بويىنشا ناقتى  شەشىم قابىلداندى. ەندى جەرىمىزدى شەتەلدىكتەرگە ساتۋعا دا، جالعا  بەرۋگە  دە تولىقتاي تىيىم سالىنادى، - دەدى.

سونىمەن قاتار، نۇرلان نىعماتۋلين بۇل زاڭ جوباسى جەر تۋرالى ءتۇرلى پىكىرلەردى توقتاتىپ، الداعى ۋاقىتتا جەردى قولدانۋ مۇمكىندىكتەرىن ءتيىمدى پايدالانۋعا جول اشاتىنىنا نازار اۋداردى.

ايتا كەتۋ كەرەك، جەر زاڭناماسىنان شەتەلدىك جەر پايدالانۋشىلارعا جانە شەتەلدىك قاتىسۋ ۇلەسى بار بىرلەسكەن كاسىپورىندارعا، سونداي-اق قانداستارعا اۋىل شارۋاشىلىعى جەرلەرىنە قۇقىقتار بەرۋ ماسەلەلەرىن رەگلامەنتتەيتىن قۇقىقتىڭ ماتەريالدىق نورمالارى الىپ تاستالماق.

بۇل رەتتە، 2016 جىلعى 1 شىلدەگە دەيىن جوعارىدا اتالعان جەر پايدالانۋشىلارعا جالعا بەرۋ شارتىمەن بەرىلگەن اۋىل شارۋاشىلىعى ماقساتىنداعى جەر ۋچاسكەلەرىنە ۋاقىتشا جەر پايدالانۋ قۇقىعى جالعا الۋ شارتىنىڭ قولدانىلۋ مەرزىمى اياقتالعانعا دەيىن قولدانىلاتىنى جانە ۇزارتىلۋعا جاتپايتىنى كوزدەلگەن.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593