قوردايداعى ۇلتارالىق جانجالعا بايلانىستى تارازدا ءوتىپ جاتقان سوتتا ءجارىسسوز باستالدى. 13 ساۋىردە پروكۋرور ايىپتالۋشىلارعا جازا سۇرادى. بۇل تۋرالى ازاتتىق راديوسى مالىمدەدى.

پروكۋرور سۋديادان كەيبىر ايىپتالۋشىلارعا 18-20 جىلعا دەيىن باس بوستاندىعىنان ايىرۋ جازاسىن تاعايىنداۋدى وتىنگەن. ال، ايىپتالۋشىلار بۇل جازانىڭ تىم اۋىر ەكەنىن ايتقان.

قوردايداعى جانجالعا بايلانىستى سوت پروتسەسى 2020 جىلدىڭ جەلتوقسان ايىنان بەرى جالعاسىپ كەلەدى. سوت پروتسەسىنە 51 ايىپتالۋشى، 60-قا جۋىق ادۆوكات جانە بىرقاتار وزگە قورعاۋشى قاتىسىپ جاتىر.

51 ايىپتالۋشىعا "جاپپاي تارتىپسىزدىك" (272-باپ), "قارۋدى، وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ" (287-باپ), "قورقىتىپ الۋ" (194-باپ), "قاراقشىلىق" (192-باپ) جانە "ادام ءولتىرۋ" (99-باپ) بويىنشا ايىپتار تاعىلعان.

ايتا كەتەيىك، 2020 جىلى 7 اقپاندا تۇندە جامبىل وبلىسى قورداي اۋدانىندا قازاقتار مەن دۇنگەندەر اراسىندا قاقتىعىس بولعان. وقيعا كەزىندە 11 ادام قازا تاپقان.

Abai.kz