ارينە! جيريك سياقتىلارعا قارسى مەن دە ۇيدە وتىرىپ بۇرقىراتىپ پوست جازۋىما بولار ەدى. بىراق، ودان رەسەي ساياساتكەرلەرىنىڭ مۇرتىن قيسايتا الماسىم بەلگىلى.

قاپ! ەندى قايتسەم ەكەن دەپ تۇرعانىمدا، سولتۇستىككە قونىس اۋدارعان سەرىك وتەباي باۋىرىم حابارلاسىپ، وڭتۇستىكتەن سولتۇستىككە كوشۋ باعدارلاماسىن ناسيحاتتاۋ ماقساتىندا قوستاناي، سقو، پاۆلودار وبلىستارىنان ارنايى دەلەگاتسيا تۇركىستان وبلىسىنىڭ اۋداندارىن ارالاپ جۇرگەنىن جەتكىزدى.

دەرەۋ ءۇش وبلىستىڭ دەلەگاتسيا باسشىلارىن تاۋىپ الىپ، شىمكەنت قالاسىنا دا ۇگىت-ناسيحات جۇمىستارىن جۇرگىزۋدى ۇسىندىم.

ويتكەنى، تۇركىستان وبلىسىنىڭ تۇرعىندارىنىڭ 30%-عا جۋىعى، اۋدانداردا تىركەۋدە تۇرعانىمەن شىمكەنت قالاسىندا جۇمىس ىستەيدى. ناعىز ءۇي العىسى كەلەتىندەر مەن ءوز كاسىبىن باستاعىسى كەلەتىندەر وسىلار. بىراق، اۋدانداردا جاساعان ۇگىت-ناسيحاتتارىڭىز قالادا تۇراقتى-تۇراقسىز جۇمىس ىستەپ جۇرگەن ازاماتتارعا جەتپەيتىندىگىن ءتۇسىندىردىم.

بىراق، وكىنىشكە وراي دەلەگاتسيا تەك وبلىسقا كەلگەندىكتەن شىمكەنت قالاسىدا ءىس-شارالار وتكىزۋ جاسپارلارىنا ەنبەگەن ەكەن.

سودان، دەلەگاتسيانىڭ 8-ءشى ساۋىردە بوس كۇندەرى بارىن ءبىلىپ، شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان  مىرزاعا حابارلاسىپ ءمان-جايدى ءتۇسىندىرىپ، وزدەرى كەلىپ تۇرعان ءۇش وبلىستىڭ دەلەگاتسيالارىن بارىنشا پايدالانىپ، شىمكەنت قالاسىندا تۇسىندىرمە جۇمىستارىن جۇرگىزۋلەرىنە كومەكتەسۋدى سۇراندىم. شىڭعىس مىرزا ۇسىنىستىڭ ماڭىزدىلىعىن بىردەننەن ءتۇسىنىپ، وسى ىسكە اكىمشىلىكتىڭ بۇتكىل رەسۋروسىن قاجەتىنشە پايدالانا بەرۋىمە بولاتىندىعىن، بارىنشا قولدايتىندىعىن جەتكىزدى.

مىنانداي قولداۋدانسوڭ ۇرىستا تۇرىس جوق، ىشكى ساياسات باسقارماسى باسشىسى ءمادي ماناتبەك مىرزامەن بىرگە، جۇمىسپەن قامتۋ ورتالىعى جانە شىمكەنت قالاسىنىڭ ءتورت اۋدان اكىمدەرىنىڭ ورىنباسارلارىنان جۇمىسشى توبىن قۇرىپ، جۇمىس جوسپارىن بەكىتىپ الىپ ىسكە شۇعىل كىرىسىپ كەتتىك.

ويتكەنى، دايىندىققا ءبىر-اق كۇنىمىز بار بولاتىن.

"وڭتۇستىك" تۆ-نىڭ باسشىسى ءۋالي قىدىروۆ اعامىزعا حابارلاسىپ، ۇگىت-ناسيحاتتىڭ ماڭىزدىلىعىن ءتۇسىندىرىپ، تەلەكانالىندا ارنايى باعدارلاما ۇيمداستىرىپ بەرۋىن وتىنگەنمىن. ۋاكەڭنىڭ اتاسىنا راحمەت! ەكى سوزگە كەلمەي بىردەننەن قولداپ، تاڭعى باعدارلاماعا كەلىپ تىكەلەي ەفيردە سۇراقتارعا جاۋاپ بەرۋلەرىنە دە بولاتىندىعىن جەتكىزدى.

شىمكەنت قالالىق ىشكى ساياسات باسقارماسىنىڭ باسشىسى ءمادي ماناتبەك مىرزا جۇرناليستتەرمەن ۇلكەن بريفينگ جانە "وتىرار" تك-دا تىكەلەي ەفيردە ءبىر ساعاتتىق باعدارلاما ۇيىمداستىرىپ بەرۋدى، ال، اباي اۋدانى، ءال-فارابي اۋدانى، قاراتاۋ اۋدانى، ەڭبەكشى اۋدانى اكىمىنىڭ ورىنباسارلارى ءوز قاراماعىنداعى كوشۋگە نيەتتى ازاماتتاردىڭ ءتىزىمىن شۇعىل جاساقتاپ، ارنايى دەلەگاتسيانىڭ جەكە قابىلداۋىن ۇيىمداستىرىپ بەرۋدى مويىندارىنا الدى. شىمكەنت قالالىق جۇمىسپەن قامتۋ ورتالىعىنىڭ ورىنباسارى شاعدات اسەتۇلمەن بىرگە، جاقىندا عانا انالارىمىزدىڭ ماسەلەسىمەن اينالىسۋ ماقساتىندا اشىلعان شاڭىراق ورتالىعىنا بارىپ، ءۇي كەزەگىنە تۇرعىزۋ ساناتىنا كىرمەيتىن جۇمىسسىز انالار مەن وتباسىلاردىڭ، سولتۇستىكتەن كەلگەن دەلەگاتسيامەن كەزدەسۋىن ۇيىمداستىرىپ بەرۋدى ۇسىندىق.

ورتالىق باسشىسى كالىمبەت يسلامبەكۋلى بىردەننەن قولداپ، بارىنشا كومەگىن ايامايتىندىعىن، ارىقاراي دا بىرلەسە جۇمىس جاساۋعا دايىن ەكەندىكتەرىن جەتكىزدى.

وسىلاي بارلىق جوسپارىمىزدى شەگەلەپ الىپ، تاڭنان كەشكە دەيىن:

1) "وڭتۇستىك" تۆ تاڭعى باعدارلامادا تىكەلەي ەفير.

2) "شاڭىراق" انالار ورتالىعىندا كەزدەسۋ

3) شىمكەنت اكىمشىلىك عيماراتىندا ءباسپاسوز بريفينگى

4) اباي، ءال-فارابي، قاراتاۋ، ەڭبەكشى اۋداندارىنىڭ تۇرعىندارىمەن ء(ار اۋداندا جەكە) جەكە قابىلداۋ وتكىزىپ،

5) "وتىرار" تك-دا تىكەلەي ەفيردە ءبىر ساعاتتىق ارنايى باعدارلامادا سۇراقتارعا جاۋاپ بەرىپ، مەملەكەتىمىزدىڭ وتە ماڭىزدى ستراتەگيالىق باعدارلاماسىنا ءوزىمىزدىڭ تامشىداي بولسا دا ۇلەسىمىزدى قوستىق.

ءار جۇمىستىڭ ءوز ناتيجەسى بولۋى كەرەك. وسى اتقارعان جۇمىستارىمىزدىڭ اسەرىن ءبىلۋ ءۇشىن دەلەگاتسيا باسشىسى ەسەمباەۆا مەرۋەرت حانىمعا حابارلاسقانىمدا، سوڭعى ءۇش كۇندە شىمكەنت قالاسىنان 300-دەن استام ازامات حابارلاسىپ وزدەرىنىڭ سولتۇستىككە كوشۋگە نيەتتەرىن بىلدىرسە، ونىڭ 30-عا جۋىعى الداعى ون كۇندە سولتۇستىككە كوشۋگە كومەكتەسۋلەرىن سۇراعان ەكەن.

"شاڭىراق" ورتالىعىنا دا حابارلاسىپ، باعدارلاما مەن تانىسۋعا كەلۋشىلەر كوبەيىپ، قاۋىرت جۇمىس باستالىپ كەتىپتى.

مىنەكەي!

جۇمىلا كوتەرگەن جۇك جەڭىل دەگەندەي ءبىزدىڭ قالاعا تىكەلەي قاتىسى بولماسا دا، مەملەكەتتىك باعدارلاماعا ءوز ۇلەسىمىزدى قوسۋ ءۇشىن شىمكەنت قالاسى اكىمدىگىمەن بىرلەسە اتقارعان 2-3 كۇندىك جۇمىسىمىزدىڭ ناتيجەسى وسىنداي بولىپ وتىر. بۇل باعىتتاعى جۇمىسىمىزدى بۇدان ءارى ۇدەتە تۇسەتىنىمىزگە سەنىمدىمىن.

رۇستەم اشەتاەۆتىڭ جازباسى

Abai.kz